અમદાવાદ : નરોડા વિસ્તારમાં પાણી, રોડ અને ગટર મુદ્દે રહીશોનું ઉગ્ર વિરોધ પ્રદર્શન…

અમદાવાદ શહેરના નરોડા વિસ્તારના રહીશોએ રાજીવ ગાંધી ભવન ખાતે રોડ, રસ્તા અને ગટરને લઈને વિરોધ પ્રદર્શન કર્યું હતું. આ સાથે જ AMC કચેરી ખાતે આવેદન પત્ર આપી રજૂઆત કરી હતી.

અમદાવાદ શહેરના નરોડા વિસ્તરમાં આવેલ સુમંગલમ પાર્ક, લક્ષ્મીનગર સોસાયટી, પંચવટી સોસાયટીથી નીલકમલ સોસાયટી જતો માર્ગ ખૂબ જ ખરાબ હાલતમાં આવી જતાં અહીથી પસાર થતાં રાહદારીઓ અને વાહનચાલકો હેરાન-પરેશાન થઈ ઉઠ્યા છે. જોકે, આ માર્ગ બનાવવાનું ખાતમુહુર્ત પૂર્વ ધારસભ્ય દ્વારા 6 મહિના પહેલાં કરવામાં આવ્યું હતું. પરંતુ હજુ સુધી અહી રોડ નહીં બનતા તંત્ર પ્રત્યે લોકોમાં રોષ જોવા મળ્યો હતો. ઉપરાંત સ્થાનિક નાગરિકોના મોઢામાં ધૂળ જાય જેથી લોકોમાં અન્ય બિમારીઓ થવાનો ભય સતાવી રહ્યો છે, ત્યારે આ મામલે યોગ્ય પગલા લેવામાં નહીં આવે તો આગામી સમયમાં ઉગ્ર વિરોધ પ્રદર્શન કરવાની પણ સ્થાનિકોએ ચીમકી ઉચ્ચારી છે.