PBKS vs RR: પંજાબ કિંગ્સ પ્લેઓફની રેસમાંથી બહાર, રાજસ્થાને 4 વિકેટથી મેળવી જીત..!

રાજસ્થાન રોયલ્સે તેની છેલ્લી લીગ મેચમાં પંજાબ કિંગ્સને 4 વિકેટે હરાવ્યું હતું. આ જીત સાથે રાજસ્થાનની પ્લેઓફમાં પહોંચવાની આશા અકબંધ છે. તે સમયે પંજાબ કિંગ્સ નિરાશ થયા હતા અને પ્લેઓફની રેસમાંથી બહાર થઈ ગયા હતા. રાજસ્થાનને જીતવા માટે છેલ્લી ઓવરમાં 9 રનની જરૂર હતી. ધ્રુવ જુરેલ અને ટ્રેન્ટ બોલ્ટે પ્રથમ ત્રણ બોલમાં 4 રન બનાવ્યા હતા. આ પછી જુરેલે ચોથા બોલ પર સિક્સર ફટકારીને મેચનો અંત આણ્યો હતો.

રાજસ્થાનના કેપ્ટન સંજુ સેમસને ટોસ જીતીને બોલિંગ કરવાનો નિર્ણય લીધો હતો. પંજાબે 20 ઓવરમાં પાંચ વિકેટે 187 રન બનાવ્યા હતા. જવાબમાં રાજસ્થાને 19.4 ઓવરમાં છ વિકેટે 189 રન બનાવ્યા હતા. રાજસ્થાન તરફથી દેવદત્ત પડિકલે સૌથી વધુ 51 રન બનાવ્યા હતા. યશસ્વી જયસ્વાલે 50 અને શિમરોન હેટમાયરે 46 રન બનાવ્યા હતા. રાયન પરાગે 12 બોલમાં 20 અને ધ્રુવ જુરેલે ચાર બોલમાં અણનમ 10 રન બનાવ્યા હતા.