ભારત 2030 સુધીમાં ઈ-કોમર્સ માટે ત્રીજું સૌથી મોટું બજાર હશે, તેનું સૌથી મોટું કારણ એફોર્ડેબલ ઈન્ટરનેટ..

2030 સુધીમાં, ભારત ચીન અને અમેરિકા પછી વિશ્વનું ત્રીજું સૌથી મોટું ઈ-કોમર્સ બજાર બની જશે અને ડિજિટલ અર્થતંત્રનું કદ વધીને $8 ટ્રિલિયન થઈ જશે. તે જ સમયે, ભારતનું ઈ-કોમર્સ માર્કેટ આ વર્ષ સુધીમાં લગભગ $3,250 કરોડ સુધી વધવાની અપેક્ષા છે.

એક અંદાજ મુજબ 2030 સુધીમાં ભારતમાં 50 કરોડથી વધુ લોકો ઓનલાઈન ખરીદી કરશે. હાલમાં, ભારતનું ઈ-કોમર્સ માર્કેટ લગભગ $1,130 કરોડનું છે, જે વાર્ષિક આશરે 21%ના દરે વધી રહ્યું છે. તેની વૃદ્ધિ માટેનું સૌથી મોટું પરિબળ 13.5 રૂપિયા પ્રતિ જીબીના દરે સસ્તું ઇન્ટરનેટ છે. 2019ની સરખામણીમાં 2023-24માં મોબાઈલ દ્વારા ઈન્ટરનેટની પહોંચમાં 21 ટકાનો વધારો થયો છે. 2025 સુધીમાં, 87% ઘરોમાં ઇન્ટરનેટ કનેક્શન હશે. ઓનલાઈન ખરીદી કરતા ઈન્ટરનેટ ગ્રાહકોની સંખ્યામાં વધારો થવાનો અંદાજ છે. 2019 અને 2026 ની વચ્ચે, ગ્રામીણ ભારતમાં સક્રિય ઇન્ટરનેટ વપરાશકર્તાઓની સંખ્યા 22 ટકાના વાર્ષિક દરે વધીને 88 કરોડથી વધુ થશે.