પીએમ મોદી પણ છે ફિલ્મ 'ખીચડી'ના ફેન, મુખ્યમંત્રી હતાં ત્યારે થિયેટરમાં જોઈ હતી આ ફિલ્મ….

પારેખ પરિવાર લગભગ બે દાયકા પછી ફરી એકવાર મોટા પડદા પર 'ખીચડી 2' સાથે જોવા મળશે. આ વખતે ફિલ્મની વાર્તા એક અલગ જ અંદાજમાં હોવાથી તમને હસીને લોટપોટ કરી દેશે. આ ફિલ્મ 17 નવેમ્બરે રિલીઝ થવા માટે તૈયાર છે,  ફિલ્મના નિર્માતા અને અભિનેતા જમનાદાસ મજીઠિયા ફરી એકવાર હિમાંશુની ભૂમિકામાં જોવા મળશે. તેમણે કહ્યું કે પીએમ મોદી પણ આ ફિલ્મના મોટા ફેન છે. તેમણે છેલ્લી વખત ફિલ્મ જોયા બાદ તેમના વખાણ પણ કર્યા હતા. આ વખતે પણ તેમને ફિલ્મનું ટ્રેલર મોકલવામાં આવ્યું છે.

પીએમ મોદીના કાર્યાલય તરફથી કહેવામાં આવ્યું હતું કે તેઓ ટૂંક સમયમાં આખી ટીમ સાથે બેઠક કરશે. આ સિવાય 'ખીચડી'નો પણ વર્લ્ડ રેકોર્ડ તેના નામે છે. આ પહેલો શો છે જે સ્ટેજ પર શરૂ થયો અને પછી સિરિયલ બની ગયો. એ પછી એક ફિલ્મ અને સિરીઝ બની હતી. હવે ફિલ્મનો બીજો ભાગ પણ રિલીઝ માટે તૈયાર છે. આ વખતે ફિલ્મ જોયા પછી હસવા સિવાય તમને રડવું પણ આવશે સુપ્રિયા પાઠક ફરી એકવાર આ ફિલ્મમાં હંસાના રોલમાં જોવા મળશે. જ્યારે રાજીવ મહેતા પ્રફુલ અને અંગદ દેસાઈ બાબુજીના રોલમાં જોવા મળશે.

વંદના પાઠક જયશ્રીના રોલમાં અને કીર્તિ કુલ્હારી પરમિંદરના રોલમાં જોવા મળશે. જમનાદાસ મજીઠિયા હિમાંશુના રોલમાં જોવા મળશે. જમનાદાસ મજીઠીયાએ કહ્યું- દરેક વ્યક્તિ વિચારે છે કે ખીચડી જોવા માટે મગજની જરૂર નથી. જો કે એવું નથી, પરંતુ અમે ફિલ્મમાં દરેક પ્રકારની કોમેડી દર્શાવી છે. આ સિવાય તમને ઘણા ઈમોશનલ સીન્સ પણ જોવા મળશે. તમે એ વિચારીને મૂવી જોવા જશો કે ખૂબ હસવું આવશે, જો કે જ્યારે તમે ફિલ્મ જોયા પછી જશો તો તમને રડવાનું પણ મન થશે