આયુષ્માન ભારત પ્રધાનમંત્રી જન આરોગ્ય યોજના (AB-PMJAY) ટૂંક સમયમાં દિલ્હીમાં લાગુ થવા જઈ રહી છે. 18 માર્ચે, કેન્દ્રીય આરોગ્ય મંત્રી જેપી નડ્ડાની હાજરીમાં દિલ્હી સરકાર અને રાષ્ટ્રીય આરોગ્ય સત્તામંડળ (NHA) વચ્ચે એક સમજૂતી કરાર (MoU) પર હસ્તાક્ષર કરવામાં આવશે.આ સાથે, દિલ્હી આ યોજના અપનાવનાર 35મું રાજ્ય/કેન્દ્રશાસિત પ્રદેશ બનશે. આ દરમિયાન દિલ્હીના પાંચ પરિવારોને પહેલીવાર આયુષ્માન ભારત યોજનાના લાભાર્થી કાર્ડ આપવામાં આવશે.આ યોજનાના અમલીકરણ પછી દિલ્હીમાં આર્થિક રીતે નબળા લોકોને 5 લાખ રૂપિયા સુધીની મફત સારવારની સુવિધા મળશે. આ ઉપરાંત દિલ્હી સરકાર 5 લાખ રૂપિયા સુધીની વધારાની સહાય પણ આપશે, જે કુલ 10 લાખ રૂપિયા સુધીનું આરોગ્ય કવર પૂરું પાડશે.