/connect-gujarat/media/post_banners/61becf26e969af01500cf434af58d3e37f7b968ce8c2ef0c60d5fd9087a0219f.jpg)
ભરૂચ જીલ્લાના અંકલેશ્વર શહેરના ચૌટા નાકા વિસ્તારમાં એક મહિલાના ગળામાંથી રૂ. 1 લાખની સોનાની ચેઈનને ઝૂંટવીને ભાગતી 2 મહિલાઓને સ્થાનિકોએ ઝડપી પોલીસને હવાલે કરી હતી.
મળતી માહિતી અનુસાર, અંકલેશ્વર તાલુકાના સજોદ ગામના પ્રજાપતિ ફળિયામાં રહેતા રમીલા પટેલ ગતરોજ સવારે કામ અર્થે ભરૂચ ગયા હતા. જેઓ ત્યાંથી પરત પોતાના ઘરે આવવા માટે અંકલેશ્વરના ચૌટા નાકાથી રીક્ષામાં સવાર થઇ સજોદ ગામે જઈ રહ્યા હતા. તે દરમિયાન અંકલેશ્વર-હાંસોટ માર્ગ પર મોદીનગર પાસે તેઓએ ગળામાં પહેરેલ રૂ. 1 લાખની સોનાની ચેઈન તપાસ કરતા તે મળી આવી ન હતી, જેથી મહિલાએ રીક્ષામાં મુસાફરી કરતી અન્ય 2 મહિલાઓને સોનાની ચેઈન અંગે પુછપરછ કરતા તે બન્ને રીક્ષામાંથી ઉતરી ભાગવા લાગી હતી. જેથી રમીલા પટેલે બુમરાણ મચાવતા સ્થાનિકોએ બન્ને મહિલાને પકડી પાડી પોલીસને હવાલે કરી હતી. પોલીસે મહારાષ્ટ્રના ભુસાવલ રેલ્વે સ્ટેશન પાસે રહેતી રંજીતા ઉર્ફે રેખા પાથરે અને વના પાથરેને ચોરી કરેલ સોનાની ચેઈન સાથે ઝડપી પાડી આગળની કાર્યવાહી હાથ ધરી છે.