અંકલેશ્વર: વિદેશી દારૂના જથ્થા સાથે રીક્ષાની રાહ જોઈ ઉભા રહેલા 2 વ્યક્તિની બી ડિવિઝન પોલીસે કરી અટકાયત

અંકલેશ્વર બી ડિવિઝન પોલીસે મહાવીર ટર્નિંગ પાસે આવેલ ઉમા ભવન સ્થિત રેલ્વે ફાટક નજીકથી વિદેશી દારૂના જથ્થા સાથે બે ઇસમોને ઝડપી પાડ્યા હતા.

અંકલેશ્વર બી ડિવિઝન પોલીસ મથકનો સ્ટાફ પેટ્રોલિંગમા હતો તે દરમિયાન બાતમી મળી હતી કે મહાવીર ટર્નિંગ પાસે આવેલ ઉમા ભવન સ્થિત રેલ્વે ફાટક નજીક બે ઇસમો બે બેગમાં વિદેશી દારૂનો જથ્થો લઈ રિક્ષાની રાહ જોઈને ઉભેલા છે.જેવી બાતમીના આધારે પોલીસે વોચ ગોઠવી હતી અને સ્થળ પરથી વિદેશી દારૂની 56 નંગ બોટલ તેમજ એક ફોન મળી કુલ 20 હજારથી વધુના મુદ્દામાલ સાથે જીતાલી ગામની સિલવર સિટીમાં રહેતો જીતેન્દ્રકુમાર સીતારામસિંગ અને મેદની દીપલાલ રાયને ઝડપી પાડી વિદેશી દારૂના જથ્થા સાથે પૂછપરછ કરતાં તે જથ્થો બોરિવલીથી કપિલ નામના ઇસમે ભરી આપી અંકલેશ્વરની બેઇલ કંપની સુધી લઈ જવાનું જણાવ્યુ હોવાની કબૂલાત કરી હતી.