અંકલેશ્વર: GIDC વિસ્તારમાં વિદેશી દારૂનું આખેઆખુ ગોડાઉન ઝડપાયુ, રૂ.44 લાખથી વધુની કિમતનો દારૂનો જથ્થો જપ્ત

અમદાવાદના વ્યક્તિના નામે અંકલેશ્વર GIDCમાં ગોડાઉન ભાડે રાખી લાખોનો સંતાડી રાખેલો વિદેશી દારૂનો જથ્થો અંકલેશ્વર GIDC પોલીસે ઝડપી પાડ્યો છે.

Advertisment

અંકલેશ્વરના GIDC પોલીસ મથકની હદમાં આવેલા વિહીતા કેમ ચોકડી નજીકના એક બંધ ગોડાઉન નંબર-2 માં મોટા પ્રમાણમાં વિદેશી દારૂનો જથ્થો હોવાની માહિતી પોલીસને મળી હતી.જેથી PI સહિતના પોલીસ સ્ટાફે પંચોની રૂબરૂ સ્થળ પર પહોંચી તપાસ કરતા ગોડાઉનમાં તાળું મારેલું હોય અને આસપાસ કોઈ નહિ હોવાથી ગોડાઉનના માલિક અશ્વિન પટેલને બોલાવી ચાવીનું પૂછતાં તેમની પાસે નહિ હોવાનું જણાવ્યું હતું.જેથી પોલીસે પંચોની રૂબરૂ ગોડાઉનનું તાળું તોડીને અંદર પ્રવેશ કરીને તપાસ કરતા પુઠ્ઠાના બોક્સમાં સંતાડેલો વિપુલ માત્રામાં વિદેશી દારૂનો જથ્થો ઝડપી પાડ્યો હતો.પોલીસે દારૂની અલગ અલગ બ્રાન્ડની દારૂની બોટલો નંગ 32,424 કિં.રૂ.43,16,400 અને બિયરના ટીન નંગ 1440 કિં.રૂ. 1,44,000 મળીને કુલ રૂ.44, 60,00 નો મોટો દારૂનો જથ્થો ઝડપી પાડ્યો છે. જ્યારે ગોડાઉન ભાડે રાખનારા અમદાવાદના ઇસમની શોધખોળ કરીને આગળની કાર્યવાહી હાથ ધરી છે.