ભરૂચ : AAPના કાર્યકરોએ ગળે ફાંસીનો ફંદો લગાવી મોંઘવારીના માર સામે અનોખો વિરોધ દર્શાવ્યો...

AAPના કાર્યકરોએ અનોખી રીતે વિરોધ દર્શાવતા સૌકોઈમાં આકર્ષણ જમાવ્યું હતું.

author-image
By Connect Gujarat in ભરૂચ સમાચાર
New Update
ભરૂચ : AAPના કાર્યકરોએ ગળે ફાંસીનો ફંદો લગાવી મોંઘવારીના માર સામે અનોખો વિરોધ દર્શાવ્યો...

દેશમાં વધતી જતી મોંઘવારી સામે ભરૂચ જિલ્લા આમ આદમી પાર્ટી દ્વારા શહેરના પાંચબત્તી વિસ્તારમાં વિરોધ પ્રદર્શન યોજાયું હતું. જેમાં AAPના કાર્યકરોએ ફાંસીનો ફંદો લગાવી અનોખી રીતે વિરોધ નોંધાવ્યો હતો. સમગ્ર દેશમાં રાંધણગેસ અને તેલ સહિત શાકભાજીના ભાવ વધતા સામાન્ય વર્ગના લોકો પર મોંઘવારીનો બોજ વધ્યો છે. તો બીજી તરફ મોંઘવારીના કારણે ગૃહણીઓનું બજેટ પણ ખોરવાયું છે, ત્યારે ભરૂચ શહેરના પાંચબતી વિસ્તારમાં આમ આદમી પાર્ટીના કાર્યકરોએ મોંઘવારી સામે ઉગ્ર વિરોધ પ્રદર્શન કર્યું હતું.

Advertisment W3.CSS

જેમાં AAPના કાર્યકરોએ મોંઘવારીના પોસ્ટર સાથે ગળે ફાંસીનો ફંદો લગાવી કેન્દ્રની ભાજપ સરકાર વિરોધ સૂત્રોચ્ચાર કરી વિરોધ નોંધાવ્યો હતો. જોકે, AAPના કાર્યકરોએ અનોખી રીતે વિરોધ દર્શાવતા સૌકોઈમાં આકર્ષણ જમાવ્યું હતું. વિરોધ પ્રદર્શન દરમ્યાન ભરૂચ જિલ્લા આમ આદમી પાર્ટીના પ્રમુખ ઊર્મિ વાનાણી, ગોપાલ રાણા, પીયૂસ પટેલ, આકાશ મોદી સહિતના હોદ્દેદારો અને કાર્યકરો ઉપસ્થિત રહ્યા હતા.

#અનોખો વિરોધ #unique protest #protest against inflation #Bharuch Aam Admi Party #AAP Bharuch #Connect Gujarat #AAP Gujarat #ભરૂચ #inflation #મોંઘવારી #Bharuch
Related Articles