ભરૂચ : ગીતા પાર્ક નજીક કાર અને મોપેડ વચ્ચે અકસ્માત, શાળાએ જતી 11 વર્ષીય વિદ્યાર્થીનીનું મોત...
ભરૂચ શહેરના સિવિલ રોડ ઉપર આવેલ ગીતા પાર્ક સોસાયટી નજીક શાળાએ જતી 11 વર્ષીય વિદ્યાર્થીનીને અકસ્માત નડતા તેણીનું કરુણ મોત નીપજ્યું હતું.
BY Connect Gujarat21 Nov 2022 8:30 AM GMT
X
Connect Gujarat21 Nov 2022 8:30 AM GMT
ભરૂચ શહેરના સિવિલ રોડ ઉપર આવેલ ગીતા પાર્ક સોસાયટી નજીક શાળાએ જતી 11 વર્ષીય વિદ્યાર્થીનીને અકસ્માત નડતા તેણીનું કરુણ મોત નીપજ્યું હતું.
મળતી માહિતી અનુસાર, ભરૂચ શહેરની મહાવીર ઝુપડપટ્ટીમાં રહેતી 11 વર્ષીય અક્ષા ઇમરાન સૈયદ આજરોજ પોતાના સંબંધી સાથે મોપેડ ઉપર રોટરી ક્લબ પાછળ આવેલ સચ્ચિદાનંદ સ્કુલ ખાતે જઈ રહી હતી. આ દરમિયાન ભરૂચના સિવિલ રોડ ઉપર આવેલ ગીતા પાર્ક સોસાયટી નજીક તેઓના મોપેડનો કાર સાથે અકસ્માત સર્જાયો હતો. આ અકસ્માતમાં 11 વર્ષીય અક્ષાને ગંભીર ઈજાઓ પહોંચતા તેણીને કાર ચાલક દ્વારા તાત્કાલિક સારવાર અર્થે ભરૂચની સિવિલ હોસ્પિટલ ખાતે ખસેડવામાં આવી હતી, જ્યાં હાજર તબીબે તેણીને તપાસી મૃત જાહેર કરી હતી. જોકે, અકસ્માત અંગે કોઈપણ જાતની પોલીસ ફરિયાદ નોંધાવવા પામી નહીં હોવાનું પણ જણાવા મળ્યું છે.
Next Story