ભરૂચ: ભઠિયાડવાડમાં વાહનને ઓવરટેક કરવા મુદ્દે બબાલ, પોલીસે ગુનો નોંધી તપાસ શરૂ કરી
વાહનને ઓવર ટેક કરવા મુદ્દે નવ ઈસમોએ પાંચ વ્યક્તિઓને માર મારતા પોલીસ ફરિયાદ નોંધાઈ છે.
ભરૂચના ભઠિયાડવાડના ચોક વિસ્તારમાં વાહનને ઓવર ટેક કરવા મુદ્દે નવ ઈસમોએ પાંચ વ્યક્તિઓને માર મારતા પોલીસ ફરિયાદ નોંધાઈ છે. ભરૂચના સક્કરા તળાવ હસુબાવાની દરગાહની સામે રહેતા વશીમ હનીફ ખંડેરાવના ભાઈ મહમંદ યુનુફ મોપેડ લઇ એદ્રશબાવાની દરગાહ ખાતે જવા નીકળ્યો હતો તે દરમિયાન ભઠિયાડવાડના ચોક વિસ્તારમાં એક્સુવી ગાડીની ઓવર ટેક કરી રહ્યો હતો તે દરમિયાન ઇમરાન ડોકટરના દવાખાની સામે એક્સુવી ગાડી અને મહમંદ યુનુફ સાથે માથાકૂટ કરી અપશબ્દો ઉચ્ચારી માર માર્યો હતો.
આ અંગે મહમંદ યુનુફએ તેના ભાઈને જાણ કરતા તેઓનો ભાઈ અને મિત્ર મોહાફીજ સ્થળ પર દોડી આવ્યા હતા તે વેળા મામલો વધુ ગરમાયો હતો આ માથાકુટમાં આવેશમાં આવી ગયેલા હાશ્મી ચોકસી,ઇમરાન ડોક્ટર,અયાઝ મલેક,જુબેર ફૂલફીવાલા સહીત અન્ય ઈસમોએ ભેગા મળી સપાટા વડે મારા મારી રહ્યા હતા તે દરમિયાન વશીમના અન્ય મિત્ર શેફુ બચીર અને હુઝેફા બચીર વચ્ચે છોડાવવા પડતા તેઓને પર માર માર્યો હતો આ મારમારીમાં ઈજાગ્રસ્ત પાંચેયને તાત્કાલિક સારવાર માટે વેલ્ફેર હોસ્પિટલ ખાતે ખસેડવામાં આવ્યા હતા મારામારી અંગે બી ડીવીઝન પોલીસે ગુનો નોંધી તપાસ હાથ ધરી છે.