ભરૂચ : પશ્ચિમ વિસ્તારના જાહેર માર્ગો પર દેશી દારૂની કોથળીનો જથ્થો જોવા મળતા સ્થાનિકોનો હોબાળો...

ભરૂચ શહેરના પશ્ચિમ વિસ્તારમાં આવેલ ખેતીવાડી ઉત્પન્ન બજાર સમિતિની સામે બસ સ્ટેન્ડ નજીક જ મોટા પ્રમાણમાં લોકો દેશી દારૂનું સેવન કરી દેશી દારૂની ખાલી કોથળી નજીકમાં જ ફેંકી દેતા હોવાની ઘટના પ્રકાશમાં આવી છે. જોકે, અહીના વિસ્તારમાં મોટી માત્રામાં દેશી દારૂની ખાલી કોથળીનો જથ્થો જોવા મળતા આસપાસના સ્થાનિકોએ ભારે હોબાળો મચાવ્યો હતો.

સ્થાનિકોએ આક્ષેપ કરતાં જણાવ્યુ હતું કે, લીંબુ છાપરી અને ધોબી તળાવ વિસ્તારમાં દેશી દારૂનું ધૂમ વેચાણ થતું હોવાથી અનેક લોકો દેશી દારૂની સેવન કરી ખાલી કોથળીઓ જ્યાં ત્યાં નાખે છે, ત્યારે હવે આ વિસ્તારમાંથી દેશી દારૂનું દુષણ દૂર કરવાની માંગ સાથે સામાજિક કાર્યકર સહિતના સ્થાનિકોએ બી' ડિવિઝન પોલીસને જાણ કરતાં પોલીસ કાફલો ઘટના સ્થળે દોડી આવ્યો હતો, જ્યાં દેશી દારૂની ખાલી કોથળીઓ જોઈ પોલીસે આજુબાજુના વિસ્તારમાં તપાસ આરંભી હતી.