ભરૂચ હાંસોટના ઇલાવ ગામની RK વકીલ હાઈસ્કૂલમાં L&T કંપની દ્વારા સોલાર સિસ્ટમ અર્પણ કરવામાં આવી

ભરૂચના હાંસોટ તાલુકાના ઇલાવ ગામે આવેલ આર.કે.વકીલ હાઈસ્કૂલમાં સુરતના હજીરા સ્થિત L&T કંપની દ્વારા સોલાર પેનલ અર્પણ કરવામાં આવી હતી

ભરૂચ જિલ્લાના છેવાડાના હાંસોટ તાલુકાનાં ઇલાવ ગામે આદર્શ કેળવણી મંડળ સંચાલિત આર.કે.વકીલ હાઈસ્કૂલ અને અલકા બા પ્રાયપરી સ્કૂલ કાર્યરત છે. આ શાળામાં આસપાસના ગામના ઉપરાંત અંતરિયાળ ગામના વિદ્યાર્થીઓ પણ અભ્યાસ અર્થે આવે છે ત્યારે સુરતના હજીરા ખાતે આવેલ L&T કંપની દ્વારા તેમની સામાજિક જવાબદારીના ભાગરૂપે સેવાકાર્ય કરવામાં આવ્યું છે. શાળાના સંકૂલને રૂપિયા 8 લાખના ખર્ચે સોલાર સિસ્ટમ અર્પણ કરવામાં આવી છે. જેના કારણે શાળાના વીજ બિલમાં ઘટાડો થશે. આ અંગેનો કાર્યક્રમ આજરોજ શાળા પટાંગણમાં યોજાયો હતો.આ પ્રસંગે L&T કંપનીના આસી.મેનેજર વિમલ ઉપાધ્યાય,સિનિયર એંજિનિયર પુનમ મિશ્રા,આદર્શ કેળવળી મંડળના સેક્રેટરી યુ.જી.પટેલ,જોઇન્ટ સેક્રેટરી ભગવતી પટેલ,ખજાનચી ઉમેદભાઈ પટેલ,શાળાના ટ્રસ્ટી હિમાંશુ પટેલ,શાળાના આચાર્ય ધર્મેશ જોશી,પ્રાથમિક વિભાગના આચાર્ય જિગ્નેશ પટેલ તેમજ શાળા પરિવાર અને ગ્રામજનો ઉપસ્થિત રહ્યા હતા