કોવિડ-19 : રાજ્યમાં આજે કોરોનાના 1160 નવા કેસ નોધાયા,10 દર્દીના મોત

ગુજરાત રાજ્યમાં આજે કોવિડ-19ના 1160 નવા પોઝિટિવ કેસ નોંધાયા છે. જ્યારે વધુ 10 દર્દીઓના મોત થયા છે. રાજ્યમાં આજે કુલ 1384 દર્દીઑ કોરોનાને મ્હાત આપી છે. રાજ્યમાં કુલ સંક્રમિતોની સંખ્યા 2,31,073 પર પહોંચી છે. સાથે કોરોનાથી કુલ મૃત્યુઆંક 4203 પર પહોંચ્યો છે.

રાજ્યમાં હાલ 12647 એક્ટિવ કેસ છે, જ્યારે અત્યાર સુધી કુલ 2,14,223 લોકોને ડિસ્ચાર્જ કરી દેવામાં આવ્યા છે. રાજ્યમાં હાલ 67 દર્દી વેન્ટીલેટર પર છે અને 12580 લોકો સ્ટેબલ છે.

રાજ્યમાં આજે 1160 નવા નોધાયેલ કેસ પૈકી અમદાવાદ કોર્પોરેશનમાં 230, સુરત કોર્પોરેશનમાં 143, વડોદરા કોર્પોરેશનમાં 107, રાજકોટ કોર્પોરેશનમાં 104, મહેસાણા 44, વડોદરા 42, બનાસકાંઠા 33, ગાંધીનગર 32, ખેડા 32, પંચમહાલ 31, રાજકોટ 27, સુરત 26, જામનગર કોર્પોરેશન 25, ગાંધીનગર કોર્પોરેશન 21 કેસ નોંધાયા હતા.

રાજ્યમાં આજે 10 દર્દીઓના કોરોનાને કારણે મોત થયા છે. જેમાં અમદાવાદ કોર્પોરેશનમાં 5, સુરત કોર્પોરેશનમાં 2, અમરેલી 1, રાજકોટ કોર્પોરેશન 1 અને વડોદરામાં 1 દર્દીનું મોત થયું છે.

રાજ્યમાં આજે કુલ 1384 દર્દી સાજા થયા હતા અને 54864 ટેસ્ટ કરવામાં આવ્યા હતા. આ સાથે રાજ્યમાં અત્યાર સુધીમાં 88,35,130 ટેસ્ટ કરવામાં આવ્યા છે. રાજ્યમાં સાજા થવાનો દર 92.71 ટકા છે.