દેશભરમાં શારદીય નવરાત્રીનો તહેવાર ધામધૂમથી ઉજવાઈ રહ્યો છે.ત્યારે માતાજીની કલશની સ્થાપના કર્યા બાદ માતાજીના આગમનનાં આ પ્રસંગે મંદિરોને શણગારવામાં આવ્યા છે. સાથે જ જાહેર સ્થળોએ પંડાલ પણ ઉભા કરવામાં આવ્યા છે. ખાસ કરીને, કોલકાતામાં, માઁ દુર્ગાની પૂજા ભવ્ય રીતે કરવામાં આવે છે. આ માટે કોલકાતામાં ઉત્સવનો માહોલ છે. નવરાત્રીમાં કોલકાતાના દરેક ઘરમાં કલશ સ્થાપિત કરીને માઁ દુર્ગાની પૂજા કરવામાં આવે છે. નવરાત્રી દરમિયાન ભક્તો માતાના દર્શન કરવા કોલકાતા જાય છે. જો તમે પણ નવરાત્રી દરમિયાન કોલકાતાની મુલાકાત લેવાનું વિચારી રહ્યા છો, તો ચોક્કસપણે ચાઈનીઝ કાલી મંદિરની મુલાકાત લો. તો આવો જાણીએ આ મંદિર વિશે.

કોલકાતામાં 'કાલી હૈ કલકત્તા વાલી' માઁ કાલીના ઘણા ઉપાસકો છે. નવરાત્રી ઉપરાંત દિવાળીના અવસરે માઁ કાલીનું પૂજન કરવામાં આવે છે. આ કાલી પૂજા તરીકે ઓળખાય છે. કોલકાતામાં માઁ કાલીના ઘણા મંદિરો છે. તેમાંથી એક ચીની કાલી મંદિરના નામથી પ્રખ્યાત છે. આ મંદિર કોલકાતાના ટેંગરામાં આવેલું છે. ટેંગરામાં મોટી સંખ્યામાં ચીની લોકો રહે છે. આ માટે આ વિસ્તારને ચાઈના ટાઉન કહેવામાં આવે છે. આ મંદિરને ચીની નામ આપવા પાછળની વાર્તા નીચે મુજબ છે.

કહેવાય છે કે એક સમયની વાત છે. જ્યારે ચીનના દંપતીનો 10 વર્ષનો પુત્ર ખૂબ જ બીમાર થઈ ગયો હતો. બાળકની બગડતી હાલત જોઈને ડોક્ટરે પણ જવાબ ન આપ્યો હતો. ત્યારે વાલીઓ ચિંતાતુર બન્યા હતા. ત્યારે લોકોએ તેને માઁ કાલીના શરણમાં જવાની સલાહ આપી. ત્યારબાદ માતા-પિતા તેમના બાળકને ટેંગરા ખાતે માઁ કાલી મંદિરમાં લઈ ગયા. સાથે જ પોતાના બાળકને મંદિર પરિસરમાં રાખીને માતા કાલીની પ્રાર્થના કરી. માતાએ તેની આજીજી સાંભળી. જે બાદ બાળક સ્વસ્થ થઈ ગઈ હતો. ત્યારથી ચીનના લોકોમાં માઁ કાલી પ્રત્યેની શ્રદ્ધા વધવા લાગી. આજે ચીનના લોકો સાચા દિલથી માઁ કાલીની પૂજા કરે છે. સૌથી મહત્વની બાબત એ છે કે માતાને પ્રસાદમાં નૂડલ્સ અને ચૌમીન અને અન્ય ચીની વસ્તુઓ આપવામાં આવે છે. માઁ કાલીના આશીર્વાદ મેળવવા માટે તમારે પણ ચાઈનીઝ કાલી મંદિરની મુલાકાત અવશ્ય લેવી જોઈએ.