અનુભવોના ભંડાર સાથે ભરેલ નર્મદા પરિક્રમાનું અનેરું મહત્વ,રહસ્યો, રોમાંચ અને જોખમથી ભરેલ પરિક્રમાની અદભુત સફર !

નર્મદા વિશ્વની એક માત્ર એવી નદી છે કે જેની પરિક્રમા કરવામાં આવે છે. દર વર્ષે 3 લાખથી વધારે શ્રધ્ધાળુઓ મધ્યપ્રદેશમાં આવેલાં મા નર્મદાના ઉદગમ સ્થાનથી નર્મદાની અતિ કઠિન ગણાતી પરિક્રમાનો પગપાળા પ્રારંભ કરે છે.

author-image
By Connect Gujarat Desk in ધર્મ દર્શન સમાચાર
New Update

  • માં રેવા-રેવા તારું પાણી નિર્મળ

  • પાવન સલીલા માં નર્મદાની પરિક્રમા

  • વિશ્વમાં એક માત્ર નદીની પરિક્રમાં કરવામાં આવે છે

  • નર્મદા પરિક્રમાનું અનેરું ધાર્મિક મહત્વ

  • સેંકડો લોકો નર્મદા પરિક્રમામાં જોડાય છે

વિશ્વમાં એકમાત્ર નર્મદા નદી એવી છે જેની પરિક્રમા થાય છે. પુરાણોમાં નર્મદા પરિક્રમાનું અનેરુ મહત્વ દર્શાવ્યું છે. મા રેવાની પ્રદક્ષિણા યાત્રામાં રહસ્યો, રોમાંચ અને જોખમોથી ભરેલી છે ત્યારે દર વર્ષે આંકડો શ્રદ્ધાળુઓ પાવનસલીલામાં નર્મદાની પરિક્રમા કરે છે.
નર્મદા નદી મધ્યપ્રદેશ અને ગુજરાતની જીવાદોરી છે, પરંતુ તેમાંથી મોટાભાગની નદી મધ્યપ્રદેશમાં જ વહે છે. તે મધ્ય પ્રદેશના તીર્થધામ અમરકંટકથી ઉદ્દભવે છે અને નેમાવર નગરમાં તેનું નાભિ સ્થળ છે. પછી ઓમકારેશ્વરમાંથી પસાર થઈને આ નદી ગુજરાતમાં પ્રવેશે છે અને ભરૂચ નજીક ખંભાતના અખાતમાં ભળી જાય છે.
નર્મદા નદીના કિનારે અનેક પ્રાચીન યાત્રાધામો અને શહેરો આવેલા છે. હિંદુ પુરાણોમાં તેને રેવા નદી કહેવામાં આવે છે. તેની પરિક્રમાનું ખૂબ મહત્વ માનવામાં આવે છે. નર્મદા પરિક્રમાનું અનેરું મહત્વ છે. કહેવાય છે કે ગંગા સ્નાને, યમુના પાને અને નર્મદા દર્શન માત્રથી પવિત્ર કરે છે.
વિશ્વની એક માત્ર નદી જેની પરિક્રમા થાય છે
નર્મદા વિશ્વની એક માત્ર એવી નદી છે કે જેની પરિક્રમા કરવામાં આવે છે. દર વર્ષે 3 લાખથી વધારે શ્રધ્ધાળુઓ મધ્યપ્રદેશમાં આવેલાં મા નર્મદાના ઉદગમ સ્થાનથી નર્મદાની અતિ કઠિન ગણાતી પરિક્રમાનો પગપાળા પ્રારંભ કરે છે. હવે વાહનો મારફતે નર્મદાની પરિક્રમા કરતાં શ્રધ્ધાળુઓની સંખ્યામાં પણ વધારો થયો છે.નર્મદા પરિક્રમા અથવા યાત્રા બે રીતે થાય છે. પ્રથમ, દર મહિને નર્મદા પંચક્રોશી યાત્રા યોજાય છે અને નર્મદાની પરિક્રમા કરવામાં આવે છે.
દર મહિને નીકળનારી પંચક્રોશી યાત્રાની તારીખ કેલેન્ડરમાં આપવામાં આવી છે. બીજી યાત્રાધામ અમરકંટક, ઓમકારેશ્વર અને ઉજ્જૈનથી શરૂ થાય છે. તે જ્યાં શરૂ થાય છે ત્યાં સમાપ્ત થાય છે.આ યાત્રા દેવ ઉઠી અગિયારસથી શરૂ થાય છે અને ઉનાળા સુધી ચાલે છે.આ પરિક્રમાને પુર્ણ કરવા માટે 3 વર્ષ, 3 મહિના અને 13 દિવસનો સમય લાગે છે.
વિઓ-3
આ ઋષિએ સૃષ્ટિ પર સૌ પ્રથમ શરૂ કરી હતી નર્મદા પરિક્રમા
નર્મદાના તટમાં કંકર એટલા શંકર અને આ કંકરની પ્રતિષ્ઠા કરવાની જરૂર નહિ પડે તેવા આર્શીવાદથી આપ્યાં. ત્યારથી જ નર્મદા નદીની પરીક્રમા કરવાની પરંપરા શરૂ થઇ. માન્યતા પ્રમાણે પહેલી નર્મદા પરીક્રમા માર્કેડે ઋષિએ કરી હતી.તપસ્યાંનું ઉચિત ફળ એકમાત્ર રેવા તટે જ મળતુ હોવાથી આદિ-અનાદીકાળથી મુનિ, સિદ્ધ અને યોગીઓ તપસ્યાં માટે નર્મદા કિનારાને જ પસંદ કરતા આવી રહ્યાં છે.
નર્મદા પરિક્રમા પર બની ફિલ્મ, દિગગજોએ પણ કરી પરિક્રમા !
લેખક ધ્રુવ ભટ્ટની વર્ષ 1998માં આવેલી ગુજરાતી નવલકથા ‘તત્વમસિ’ પરથી ગુજરાતી ફિલ્મ "રેવા" બની છે. નવલકથામાં જેમ જ રેવામાં નર્મદા માતા અને તેના આસપાસનું લોકજીવન , પ્રકૃતિ,આદિવાસી પ્રજાની ખુમારી અને સંસ્કૃતિને ખુબ જ સરસ શૈલીમાં રજુ કરવામાં આવી હતી. આ સાથે જ મધ્યપ્રદેશના પૂર્વ મુખ્યમંત્રી અને કોંગ્રેસના દિગ્ગજ નેતા દિગ્વિજયસિંહ એ પણ તેમની પત્ની સાથે નર્મદા પરિક્રમા કરી હતી
નર્મદા પરિક્રમાનો રૂટ
અમરકંટક, માઈ કી બગિયાથી નર્મદા કુંડ, મંડલા, જબલપુર, ભેડાઘાટ, બરમાનઘાટ, પટાઈઘાટ, માગરોલ, જોશીપુર, છાપાનેર, નેમાવર, નર્મદા સાગર, પમાખેડા, ધવરીકુંડ, ઓમકારેશ્વર, બાલ્કેશ્વર, ઈન્દોર, ખલેશ્વર,  ધર્મરાઈ, કતારખેડા, શૂલપડી ઝાડી, હસ્તીસંગ, છાપેશ્વર, સરદાર સરોવર, ગરુડેશ્વર, ચાંદોદ, ભરૂચ, અંકલેશ્વર,સજોદ,હાંસોટ, કોટેશ્વર, વમલેશ્વર, મીઠી તલાઈ દહેજ થઈ પરત આગમનના રૂટ પર પૂર્ણ થાય છે
નર્મદા પરિક્રમાવાસીઓ માટે સુવિધાનો અભાવ
નર્મદા નદીની પરિક્રમાએ નીકળતાં પરિક્રમાવાસીઓ સરકારની અનદેખીનો દરરોજ અનુભવ કરી રહયાં છે. ગુજરાત સરકાર હોય કે પછી મધ્યપ્રદેશ સરકાર બંને સરકારો પરિક્રમાવાસીઓને માળખાકીય સુવિધાઓ પુરી પાડવામાં સદંતર નિષ્ફળ રહી છે. પરિક્રમાવાસીઓ ચાલી શકે તે માટે પાથ બનાવવામાં નથી આવ્યાં કે પછી નથી બન્યાં શૌચાલયો.પી.એમ. નરેન્દ્ર મોદી જયારે સી.એમ હતા ત્યારે પરિક્રમા વાસી માટે નર્મદા પથ બનાવવાની અને ચોક્કસ અંતર પર વિસામા માટે બેઠક વ્યવસ્થા પણ આયોજન કરાયું હતું.
જો કે આ પ્રોજેકટ આજદિન સુધી પુરો થઇ શકયો નથી.આજે પણ પરિક્રમાવાસીઓ ભગવાન ભરોસે જ તેની પરિક્રમા આગળ ધપાવી રહયાં છે. 
સેવાભાવી સંસ્થાઓ તથા આશ્રમોના સહારે પરિક્રમાવાસીઓ હજારો કિલોમીટરની પરિક્રમા પુરી કરતાં હોય છે. પરિક્રમાવાસીઓ કયારેક કોઇના ઘરના ઓટલા ઉપર રાત ગુજારે છે તો કયારેક મંદિરો, મઠ કે આશ્રમોમાં આશરો લેતાં હોય છે.
નર્મદા પરિક્રમા દરમિયાન પરિક્રમાવાસીઓ અત્યંત ગાઢ જંગલમાંથી પણ પસાર થાય છે ત્યારે તેમના આરોગ્યને લઈને પણ અનેકવાર મામલાઓ સામે આવી ચૂક્યા છે.આ ઉપરાંત ભરૂચના વમલેશ્વર ખાતે પણ પરિક્રમાવાસીઓને માર મારવો, વમલેશ્વર થી દહેજ મીઠી તલાઈ જતી વખતે નર્મદા નદી અને સમુદ્રના સંગમ વચ્ચે બોટ ફસાઈ જવી સહિતને અનેક દુર્ઘટનાઓ બની ચુકી છે છતાં પણ તંત્ર આ બાબતે ધ્યાન નથી આપતું
અંકલેશ્વરના રામકુંડમાં ચાલે છે અન્નક્ષેત્ર, અન્ય સુવિધા આપવા માંગ નર્મદા પરિક્રમા વાસીઓ માટે અંકલેશ્વરના રામકુંડ ખાતે અન્નક્ષેત્ર ચાલે છે જ્યાં પરિક્રમાવાસીઓને બે સમય ભોજન તેમજ ચા નાસ્તો કરાવવામાં આવે છે પરંતુ પરિક્રમા વાસીઓને રહેવા તેમજ નાહવાની સમસ્યા ઊભી થાય છે જેના માટે સરકાર આગળ આવે તેવી રામકુંડના મહંત ગંગાદાસ બાપુ દ્વારા માંગ કરવામાં આવી છે.
નર્મદા પરિક્રમા દરમિયાન આવતા ઘાઢ જંગલો ખળખળ વહેતા ઝરણા અને ભારતીય સંસ્કૃતિની પ્રતીતિ કરાવતા ગામડાઓ આ તમામ વચ્ચેથી નર્મદા પરિક્રમાવાસીઓ પસાર થાય છે.અનેક પડકારો અને અનેક જોખમોનો તેઓ સામનો કરે છે ત્યારે આ પરિક્રમાવાસીઓની સુવિધામાં સહભાગી થવું એ પણ એક ધર્મ કાર્ય છે. મા નર્મદાને પ્રણામ કરવા જેટલું જ નર્મદા પરિક્રમાવાસીઓની સેવા કરવાનું મહત્વ છે.ત્વદીય પાદ પંકજમ નમામી દેવી નર્મદે....
#નર્મદા નદીની પરિક્રમા #પરિક્રમાવાસી #પરિક્રમા #નમામી દેવી નર્મદે #Importance Of Parikrama #નર્મદા પરિક્રમાનું મહત્વ #Narmada Parikrama #Parikrama
Related Articles
Read the Next Article

રાશિ ભવિષ્ય 19 જૂન , જાણો કેવો રહેશે તમારો આજનો દિવસ

મેષ (અ, લ, ઇ):   તમારી જાતને તંદુરસ્ત અને સ્વસ્થ રાખવા માટે ઉચ્ચ કૅલૅરીયુક્ત આહાર ટાળો. તમે જો અન્યોના શબ્દો પર ધ્યાન આપીને રોકાણ કરશો તો આજે આર્થિક નુકસાનની

author-image
By Connect Gujarat Desk in ધર્મ દર્શન Featured
New Update
11horo

મેષ (અ, લ, ઇ):  

તમારી જાતને તંદુરસ્ત અને સ્વસ્થ રાખવા માટે ઉચ્ચ કૅલૅરીયુક્ત આહાર ટાળો. તમે જો અન્યોના શબ્દો પર ધ્યાન આપીને રોકાણ કરશો તો આજે આર્થિક નુકસાનની શક્યતા જોવાય છે. પારિવારિક સમસ્યાઓને ઉચ્ચ પ્રાથમિકતા આપવી જોઈએ. વધુ મોડું કર્યા વિના તમારે એ વિશે ચર્ચા કરવી જોઈએ કેમ કે એકવાર આ બાબત ઉકેલાઈ જશે પછી-ઘરના મોરચે જીવન એકદમ સરળ થઈ જશ અને તમે તેમના પર અસર પાડવામાં સફળ થશો. કેટલાક માટે લગ્નની શરણાઈના સૂર સંભળાય છે તો કેટલાકને રૉમાન્‌ મળવાથી તેમનો જુસ્સો વધશે. આજે શરૂઆતથી અંત સુધી કામના સ્થળે તમને સતત ર્સ્ફૂતિનો અનુભવ થાય એવો આ દિવસ છે. આજે તમે જો પ્રવાસ કરવાના હો તો તમારે તમારી ભાષા અંગે વધારે તકેદારી રાખવાની જરૂર છે. લગ્નજીવનને સારૂં બનાવવાના તમારા પ્રયાસોઆજે તમારી અપેક્ષા કરતાં સારાં પરિણામ દેખાડશે.

વૃષભ (બ.વ.ઉ) :

ભૂતકાળના સાહસમાં સફળતા તમારા આત્મવિશ્વાસને વધારશે. આજે તમને પોતાની સંતાન દ્વારા ધન લાભ થવા ની શક્યતા દેખાય છે અને તમને આના દ્વારા ખુશી થશે. દિવસના ઉત્તરાર્ધ માટે કશુંક ઉત્તેજનાસભર અને મનોરંજક વિચારી રાખો. આજે તમારો પ્રેમી તમારી ભાવનાઓ ને તમારી સામે ખુલ્લો રાખી શકશે નહીં, જેના કારણે તમે પરેશાન થશો. સાથીદારોની સમયસરની મદદને કારણે કામના સ્થળે મુશ્કેલ સમય પસાર થઈ જશે. આ બાબત તમને વ્યાવસાયિક અગ્રતા મેળવવામાં મદદ કરશે. જેઓ ઘર ની બહાર રહે છે આજે તે તેમના બધા કાર્ય પૂર્ણ કર્યા પછી, સાંજે ઉદ્યાન માં અથવા એકાંત સ્થળે સમય વિતાવવા નું પસંદ કરશે. દિવસ દરમિયાન તમારી તમારા જીવનસાતી સાથે બોલાચાલી થવાની શક્યતા છે, પણ રાતનું ભોજન કરતી વખતે તમે તે ઉકેલી લેશો.

મિથુન (ક.છ.ઘ) :

આજનો દિવસ તમારી માટે બહુ ઊર્જાવાળો નથી અને તમે નાની-નાની બાબતોમાં ચીડાઈ જશો. આજ માટે તમારો સફળતા મંત્ર હોવો જોઈએ-તમારા નાણા એવા લોકોની સલાહ મુજબ રોકવા જોઈએ જેઓ કશુંક નવું કરવામાં માને છે તથા સારા અનુભવોને યાદ રાખો. પોતાની અંગત સમસ્યાઓ ઉકેલવા માટે મિત્ર તમારી મદદ લઈ શકે છે. તમારા પ્રેમ પ્રકરણ વિશે જાહેરમાં ઢંઢેરો પીટતા નહીં. છૂટક તથા જથ્થાબંધ વેપારીઓ માટે સારો દિવસ. આજે લોકો તમારા વિશે શું વિચારે છે તેનાથી તમને વાંધો નહીં. તેના બદલે આજે તમને તમારા મફત સમય માં કોઈને મળવાનું ગમશે નહીં અને એકાંત માં ખુશ રહેશો. કામવાળી આજે કદાચ કામ પર નહીં આવે, જેને કારણે તમારા જીવનસાથી તાણ સર્જાવાની શક્યતા છે.

કર્ક (ડ,હ) :

તમે જો ભૂતકાળની ઘટનાઓ અંગે જ વિચાર્યા કરશો -તો તમારી હતાશા તમારા સ્વાસ્થ્યને હાનિ પહોંચાડી શકે છે-શક્ય હો એટલા નિરાંતવા રહેવાનો પ્રયાસ કરો. નિવેશ કરવું ઘણી વખત ફાયદેમંદ હોય છે આ વાત તમને આજે સમજ માં આવી શકે છે કેમ કે કોઈ જુના નિવેશ થી તમને આજે લાભ થયી શકે છે. તમારી મહત્વાકાંક્ષા વિશે મોટી વયની વ્યક્તિને જણાવો તેઓ તમારી મદદ કરવા પોતાનાથી બનતા તમામ પ્રયત્નો કરશે. તમારૂં પ્રિયપાત્ર વચનબદ્ધતાની અપેક્ષા રાખશે-તમને પાળવામાં મુશ્કેલી પડે તેવા વચનો આપતા નહીં. તમારી જાતને અભિવ્યક્ત કરવા માટે પણ આ સારો દિવસ છે-તથા રચનાત્મક પ્રકૃતિના પ્રકલ્પો પર કામ કરો. ઘરમાં વિધી-હવન-મંગળ સંસ્કાર કરાવશો. કેટલાક લોકો માને છે કે લગ્નજીવન એટલે ઝધડા અને સેક્સ, પણ આજે બધું જ શાંત અને સૌમ્ય રહેશે.

સિંહ (મ,ટ) :

તમારો ગુસ્સો કોઈકને વધુ મુશ્કેલીમાં મુકી દેશે. જીવન ના ખરાબ તબક્કા માં પૈસા તમારા કામ આવશે તેથી આજ થીજ પોતાના પૈસા બચત કરવા ના વિષે વિચારો નહિ તો તમને તકલીફો આવી શકે છે. તમારા સંતાનો માટે યોજનાઓ ઘડવા માટે અદભુત દિવસ. પોતાના પ્રિયપાત્ર સાથે નાનકડું વૅકેશન માણી રહેલાઓ માટે આ સમયગાળો ખાસ્સો યાદગાર બની રહેશે. કામના સ્થળે તમારી કાર્યકુશળતા વધારવા માટે તમારી આવડતનું સ્તર ઊંચું લાવો. ખરીદી તથા અન્ય પ્રવૃત્તિઓ તમને દિવસના મોટ ભાગનો સમય વ્યસ્ત રાખશે. આજે લગ્ન તમારા જીવનના શ્રેષ્ઠ તબક્કે પહોંચશે.

કન્યા (પ,ઠ,ણ):

કામનું દોડધામભર્યું સમયપત્રક તમને ગુસ્સાવાળા સ્વભાવના કરી શકે છે. જે વેપારીઓ ના સંબંધ વિદેશો થી છે તેમને આજે ધન હાનિ થવા ની શક્યતા છે તેથી સાવચેતી થી ચાલો। તમારો જિદ્દી સ્વભાવ તમારા માતા-પિતાની શાંતિને નુકસાન પહોંચાડી શકે છે. તમારે તમની સલાહ પર ધ્યાન આપવાની જરૂર છે. બધાને આહત કરવા કરતાં કહ્યાગરા બનવું સારૂં. રૉમેન્ટિક યાદો તમારા દિવસ પર કબજો જમાવશે. તમે જો એક દિવસની રજા પર જતા હો તો તમારે ચિંતા કરવાની જરૂર નથી-કેમ કે તમારી ગેરહાજરીમાં બધી ચીજો સરળતાથી ચાલશે-જો-કોઈ-વિચિત્ર કારણસર-સમસ્યા સર્જાઈ-તો તમે પાછા ફરશો ત્યારે તેને સરળતાથી ઉકેલી લેશો. તમારા વડે આજ ના દિવસ માં એવા કામ કરવા માં આવશે જેના વિષે તમે ઘણી વાર વિચારો છો પરંતુ કરવા માટે અસમર્થ હતા. તમે તમારા જીવનસાથી સાથે આજે ફરી જૂના સુંદર અને રોમેન્ટિક દિવસોને માણશો.

તુલા(ર,ત) :

તમને તમારી જાત માટે સારી લાગણી થાય એવી બાબતો કરવા માટે અદભુત દિવસ. જો તમારી ધન સંબંધી કોઈ બાબત કોર્ટ કચેરી માં અટવાયેલી હોય તો તે આજે ઉકેલાઈ શકે છે અને તમે વિજયી થયી શકો છો સાથે તમને ધન લાભ થયી શકે છે. નવજાત શિશુની માંદગી તમને વ્યસ્ત રાખશે. તમારે તેના પર તરત ધ્યાન આપવાની જરૂર પડશે. યોગ્ય સલાહ લેજો કેમ કે તમારી બાજુએ જરાક પણ બેદરકારી સમસ્યાને વકરાવી શકે છે. તમારા પ્રિયપાત્ર સાથે બહાર જતા હો ત્યારે દેખાવ અને વર્તનમાં તમે જેવા છો એવા જ રહો. મહિલાઓ તમારી સફળતામાં મોટી ભૂમિકા ભજવશે-પછી ભલેને તમે ગમે તે ક્ષેત્રમાં હો. આજનો દિવસ એવા દિવસોમાંનો એક છે જ્યારે પરિસ્થિતિ તમારી મરજી મુજબ આકાર નહીં લે. લગ્નજીવનમાં એક મુશ્કેલ તબક્કા બાદ તમે આજે એક નવી સવાર જોશો.

વૃશ્ચિક(ન,ય) :

લાંબા ગાળાની માંદગીથી તમને મુક્તિ મળે એવી શક્યતા છે. આર્થિક બાબતોમાં સુધારો ચોક્કસ થશે. કેટલાક લોકો માટે- પરિવારમાં કોઈ નવી વ્યક્તિનું આગમન ઉજવણી અને પાર્ટીની ક્ષણો લાવશે. તમારા પ્રિયપાત્ર સાથે કૅન્ડીફ્લૉસ તથા ટૉફી શૅર કરશો એવી શક્યતા જોવાય છે. તમારી જાતને અભિવ્યક્ત કરવા માટે પણ આ સારો દિવસ છે-તથા રચનાત્મક પ્રકૃતિના પ્રકલ્પો પર કામ કરો. આજે તમે કોઈ સાથીદાર સાથે સાંજ વિતાવી શકો છો, જોકે અંત માં તમને એમ લાગશે કે તમે તેમની સાથે સમય બરબાદ કર્યો છે અને બીજું કંઇ નહીં. આજે તમને અનુભૂતિ થશે કે તમારા લગ્ન વખતે લીધેલી દરેક પ્રતિજ્ઞાઓ સાચી હતી. તમારા જીવનસાથી તમારા સાચ્ચા સાથી છે.

ધન(ભ,ધ,ઢ,ફ) :

શારીરિક લાભ અને ખાસ કરીને માનસિક દૃઢતા માટે ધ્યાન અને યોગ કરવાનું શરૂ કરો. તમારી આર્થિક સ્થિતિ સુધરશે આમ છતાં નાણાખર્ચમાં વધારો તમારી યોજનાઓને પાર પાડવામાં અંતરાયો ઊભા કરશે. પરિવારના સભ્યનો આનંદી સ્વભાવ ઘરના વાતાવરણને ઝગમગતું કરી નાખશે. તમારા પ્રેમ જીવનમાં નાનકડી કડવાશ માફ કરો. તમારા એક સારા કામને કારણે, કામના સ્થળે તમારા શત્રુઓ આજે તમારા મિત્ર બની શકે છે. પ્રવાસ તથા શિક્ષણને લગતો ધંધો તમારી જાગરૂકતા વધારશે. તમારા લગ્નજીવનમાં આજનો દિવસ વિશિષ્ટ છે, આજે તમને કશુંક ખરેખર અસાધારણ અનુભવવા મળશે.

મકર(ખ,જ):

મિત્ર દ્વારા જ્યોતિષ માર્ગદર્શન તમારૂં સ્વાસ્થ્ય સુધારવા માટે તમને પ્રોત્સાહિત કરશે. તમે જો થોડા વધુ નાણાં મેળવવા માર્ગ શોધી રહ્યા હો તો-સુરક્ષિત આર્થિક યોજનાઓમાં રોકાણ કરો. ઘરને લગતી બાબતો તથા ઘરના બાકી રહી ગયેલા કામ પૂરાં કરવા માટે અનુકૂળ દિવસ. આજે તમને સમજાશે કે તમારા જીવનસાથી તમને કેટલો પ્રેમ કરે છે. કામના સ્થળે આજે કોઈક વ્યક્તિ તમારી સાથે કંઈક સારૂં વર્તન કરશે. સાવચેતીભર્યાં પગલાંનો દિવસ-જ્યારે તમને મગજ કરતાં દિલની વધુ જરૂર પડશે. આજે તમે તમારા જીવનસાથી સાથે ખરેખર અદભુત સાંજ માણશો.

કુંભ(ગ.સ.શ.ષ) :

તમારી શક્તિ પાછી મેળવવા માટે સંપૂર્ણ આરામ કરો. નાણાકીય પક્ષ મજબૂત થવા ની પુરી શક્યતા છે.જો તમે કોઈ વ્યક્તિ ને પૈસા ઉધાર આપ્યા હતા તો તે પૈસા આજે પાછા મળવા ની પુરી શક્યતા છે. તમારા તરફથી કંઈ વધુ કર્યા વિના અન્યોનું ધ્યાન ખેંચવા માટે આ શ્રેષ્ઠ દિવસ છે. પ્રેમની મસ્તીનો અનુભવ કરવા માટે તમને કોઈ મળી શકે છે. કામના સ્થળે વ્યાવસાયિક અભિગમને કારણે તમારી કદર થશે. તમારે ફ્રી ટાઇમ નો યોગ્ય રીતે ઉપયોગ કરવા નું શીખવું પડશે નહીં તો તમે જીવન માં ઘણા લોકો થી પાછળ રહી જશો. નજીકના ભૂતકાળમાં જે કંઈપણ થયું છે તેમ છતાં તમારા જીવનસાથી આજે તમારી માટેની તેની સારી લાગીઓ આજે પ્રદર્શિત કરશે.

મીન (દ,ચ,ઝ,થ) :

સ્વાસ્થ્ય બરાબર રહેશે. આ રાશિ ના પરિણીત જાતકો ને આજે સાસરાપક્ષ થી ધન લાભ થવા ની શક્યતા છે. ઘરમાં કેટલાક ફેરફારો તમને ખાસ્સા સંવેદનશીલ બનાવી દેશે- પણ તેમ તમારી લાગણીઓ અસરકારક રીતે જેમનું મહત્વ છે એવા લોકો સુધી પહોંચાડવામાં સફળ થશો. તમારા પ્રેમી કે પ્રેમિકાને ન ગમતા હોય તેવા કપડાં પહેરવાનું ટાળો કેમ કે એનાથી તેમની લાગણી દુભાઈ શકે છે. અદ્યતન ટેક્નોલૉજી તથા હુન્નર શીખવામાં તમારી મદદ કરે તેવા ટૂંકા-ગાળાના પ્રોગ્રામમાં સહભાગી થાવ. જ્યાં સુધી મુશ્કેલીમાંથી માર્ગ કાઢવાની ઈચ્છા છે ત્યાં સુધી કશું જ અશક્ય નથી. આજે તમે અથવા તમારા જીવનસાથી પલંગમાં ઈજાગ્રસ્ત થઈ શકો છો, આથી એકમેક સાથે નજાકતથી વર્તજો.