સુરત : ધોરણ 12 સામાન્ય પ્રવાહમાં ડાયમંડ સિટીનું 87.52% પરિણામ, 643 વિદ્યાર્થીઓએ A-1 ગ્રેડ મેળવ્યો

આજે ગુજરાત બોર્ડનું ધોરણ 12 સામાન્ય પ્રવાહનું પરિણામ જાહેર કરવામાં આવ્યું છે. જેમાં સુરતનું 87.52 ટકા પરિણામ આવ્યું છે. સુરતમાં સૌથી વધુ 643 વિદ્યાર્થીઓએ A-1 ગ્રેડ મેળવ્યો છે. ગત માર્ચ મહિનામાં લેવામાં આવેલી માધ્યમિક અને ઉચ્ચતર માધ્યમિક બોર્ડની પરીક્ષાનું પરિણામ આજે સત્તાવાર જાહેર કરવામાં આવ્યું છે,

ત્યારે ગત મહિને ધોરણ 12 વિજ્ઞાન પ્રવાહના પરિણામ બાદ આજે સુરત ખાતે ધોરણ 12 સામાન્ય પ્રવાહનું પરિણામ 87.52 ટકા આવ્યું છે. ધોરણ 12 સામાન્ય પ્રવાહમાં પણ સુરતે A-1 અને A-2માં ડંકો વગાડ્યો છે. ગુજરાતમાં સૌથી વધુ સુરતમાં A-1માં 643 અને A-2માં 4382 વિદ્યાર્થીઓ નોંધાયા છે.