અનુપમ ખેર ઉજવશે સતિશ કૌશિકનો બર્થ ડે, વીડિયો શેર કરીને એક્ટરે લખ્યું, 'આજે તારો બર્થ ડે ધામધૂમથી ઊજવીશ... જોવા આવજે'

દિવંગત એક્ટર સતીશ કૌશિકનો આજે 67મો જન્મદિવસ છે. આ ખાસ દિવસ પર તેમના સૌથી નજીકના મિત્ર અનુપમ ખેરે સોશિયલ મીડિયા પર એક વીડિયો શેર કર્યો છે. વીડિયો શેર કરતાં અનુપમે કહ્યું, આજે તેઓ સતીશની પત્ની શશિ અને તેમની પુત્રી સાથે તેમના સ્વર્ગસ્થ મિત્રની યાદમાં ઉજવણી કરશે.

અનુપમે આ વીડિયો દ્વારા સતીશ સાથે વિતાવેલી પોતાની જૂની પળોને યાદ કરી છે. વીડિયો શેર કરતી વખતે તેણે કેપ્શનમાં લખ્યું, 'મારા પ્રિય મિત્ર સતીશ કૌશિક! તમારા જન્મદિવસ માટે શુભેચ્છાઓ! આજે, બૈસાખીના દિવસે તમે 67 વર્ષના થયા હોત, પરંતુ તમારા જીવનનાં 48 વર્ષ સુધી મને તમારો જન્મદિવસ ઊજવવાનો લહાવો મળ્યો, તેથી મેં નક્કી કર્યું છે કે આજે સાંજે અમે તમારો જન્મદિવસ ભવ્ય રીતે ઊજવવાનો પ્રયાસ કરીશું. શશિ અને વંશિકા સાથે તમારી સીટ ખાલી રહેશે. મારા મિત્રો આવો અને અમને ઉજવણી કરતા જુઓ.' અનુપમના આ વીડિયોમાં અનિલ કપૂર, ગુલશન ગ્રોવર પણ જોવા મળ્યા છે.