બોલીવુડ અભિનેત્રી કરીના કપૂર અને સૈફ અલી ખાનના નાના પુત્ર જેહ અલી ખાને તેનો બીજો જન્મદિવસ ઉજવ્યો હતો. જ્યાં એક તરફ તમામ સેલેબ્સે જેહની સુંદર તસવીરો સોશિયલ મીડિયા પર શેર કરી હતી અને તેને જન્મદિવસની શુભેચ્છા પાઠવી હતી. તો બીજી તરફ કરીના અને સૈફે ઘરે પુત્રના જન્મદિવસની પાર્ટી કરી હતી. હવે સોશિયલ મીડિયા પર સૈફની બહેન સબા અને સોહાએ જેહની બર્થડે પાર્ટીની કેટલીક તસવીરો શેર કરી છે.

સૈફની બહેન સબાએ તેના ઈન્સ્ટાગ્રામ એકાઉન્ટ પર એક વીડિયો શેર કર્યો છે, જેમાં જેહની બર્થડે પાર્ટીની કેટલીક તસવીરો છે. પ્રથમ તસવીરમાં પટૌડી ભાઈ-બહેન સૈફ, સોહા અને સબા એકસાથે ફુગ્ગાઓ અને જન્મદિવસની સજાવટ સાથે પોઝ આપતા જોવા મળ્યા હતા. જ્યારે આગળની તસવીરમાં કરીના તેના પુત્ર જેહનો હાથ પકડીને જોઈ શકાય છે. બીજી તસવીરમાં સૈફ, કરીના, તૈમૂર અને જેહ કેક પાસે પોઝ આપી રહ્યા છે.

View this post on Instagram

A post shared by Saba Pataudi (@sabapataudi)

પાર્ટીમાં કરીના કપૂર સફેદ રંગની ઓવરસાઈઝ ટી-શર્ટ પહેરેલી જોવા મળી હતી, જ્યારે સૈફે સફેદ પેન્ટ સાથે ગુલાબી અને સફેદ પટ્ટાવાળી શર્ટ પહેરી હતી. જ્યારે તૈમૂર બ્લેક ટી-શર્ટ અને વ્હાઇટ પેન્ટમાં જોવા મળ્યો હતો અને જેહ સ્કાય બ્લૂ ટી-શર્ટમાં ક્યૂટ લાગતો હતો. કરિશ્મા કપૂર પણ પાર્ટીમાં કેઝ્યુઅલ લુકમાં જોવા મળી હતી.