• રાજસ્થાનના અજમેરની હોટલમાં આગ લાગવાનો મામલો

• આ દુર્ઘટનામાં લાઠીના એક જ પરીવારના 3 સભ્યોના મોત

• પતિ-પત્ની અને પુત્રના મૃતદેહ વતન લાઠી લાવવામાં આવ્યા

• એક સાથે 3 જનાજા નિકળતા લાઠી શહેરમાં શોકનો માહોલ

• એક જ પરીવારના 3 સભ્યોની દફનવિધિમાં માનવમેદની ઉમટી

રાજસ્થાનના અજમેરની હોટલમાં આગ લાગતા મોતને ભેટેલા અમરેલી-લાઠીના એક જ પરિવારના 3 સભ્યોનો આજે લાઠીમાં જનાજો નીકળ્યો હતો. ગત તા. 1 મેના રોજ આગની દુર્ઘટનામાં માતા-પિતા અને પુત્રનું મોત નિપજતા દફનવિધિ કરવામાં આવી હતી.

અમરેલી જિલ્લાના લાઠીમાં રહેતા અને ચશ્માની દુકાન ધરાવતા 30 વર્ષીય અલફાઝ હારૂનભાઈ નુરાની તેમની 26 વર્ષીય પત્ની શબનમ નુરાની અને 4 વર્ષના પુત્ર અરમાન નુરાની સાથે ગત તા. 27 એપ્રિલના રોજ રાજસ્થાનના અજમેર શરીફની યાત્રાએ ગયા હતા. આ પરિવાર દરગાહથી થોડે દુર‎આવેલ હોટલ નાઝમાં રોકાયું હતું. અલફાઝભાઇનો પરિવાર તા. 1 મેના રોજ સવારે 10‎વાગ્યે હોટેલમાંથી ચેક આઉટ‎કરી પરત લાઠી આવવા‎નીકળવાના હતા. જોકે, આ પરિવાર ચેકઆઉટ કરે તે પહેલાં જ સવારે આઠેક‎વાગ્યે 5 માળની હોટલના‎એક રૂમમાં ધડાકા સાથેACનું‎કોમ્પ્રેસર ફાટ્યું હતું.

જેના કારણે‎જોતજોતામાં ગ્રાઉન્ડ ફ્લોરથી‎5માં માળ સુધી બિલ્ડીંગ‎આગની ઝપેટમાં આવી ગયું‎હતું. આ ઘટનામાં કુલ 4 વ્યક્તિના મોત થયા હતા. જે‎પૈકી 3 લાઠીના હતા. આજે વહેલી સવારે અલફાઝ નુરાની તેમના પત્ની શબનમ નુરાની અને પુત્ર અરમાન નુરાનીના મૃતદેહને વતન લાઠીમાં લાવતા શોકમય માહોલ સર્જાયો હતો. માતા-પિતા અને પુત્રનો એક સાથે જનાજો નીકળતા સમગ્ર લાઠી શહેરમાં શોકનો માહોલ છવાયો હતો.