અમરેલી : ધાતરવડી માઈનોર કેનાલમાં ભંગાણ, તંત્ર દ્વારા સમારકામ નહીં કરાતા ખેડૂતોમાં રોષ...

જીલ્લાના રાજુલા તાલુકાના ધાતરવડી ગામે માઈનોર કેનાલની સિંચાઈ યોજનામાં આવેલ કુંડીમાં છેલ્લા ઘણા સમયથી ગાબડું પડ્યું છે.

New Update
અમરેલી : ધાતરવડી માઈનોર કેનાલમાં ભંગાણ, તંત્ર દ્વારા સમારકામ નહીં કરાતા ખેડૂતોમાં રોષ...

અમરેલી જીલ્લાના રાજુલા તાલુકાના ધાતરવડી ગામે માઈનોર કેનાલની સિંચાઈ યોજનામાં આવેલ કુંડીમાં છેલ્લા ઘણા સમયથી ગાબડું પડ્યું છે. આ કુંડી રીપેર કરવા માટે ગ્રામજનોએ તંત્રને વારંવાર રજૂઆત કરી છે. તેમ છતાં પણ તંત્ર દ્વારા કોઈ કામગીરી હાથ નહીં ધરાતા લોકોમાં રોષ જોવા મળી રહ્યો છે.

રાજુલાના ધાતરવડી-1 સિંચાઇ યોજનાની માઈનોર કેનાલમાં કુંડીનું રીપેરીંગ તેમજ કેનાલની સાઈડ ઉપર પાળા ચઢાવવવા માટે રાજુલા પિયત સહકારી સિંચાઇ મંડળીના પ્રમુખ રમેશ વસોયા દ્વારા સાંસદ નારણ કાછડીયા અને પાણી પુરવઠા મંત્રીને લેખીત રજૂઆત કરવામાં આવી હતી. જોકે, રજૂઆત કર્યા બાદ જળસંપત્તિ વિભાગ દ્વારા જે તે વિભાગને આ પ્રશ્નનું યોગ્ય નીકાલ કરવા હુકમ પણ કરાયો હતો. છતાં પણ અધિકારીઓ દ્વારા ઉચ્ચ કક્ષાએથી મળેલ હુકમની અવગણના કરી નિષ્ફળ કામગીરી કરતાં હોવાનું રમેશ વસોયા સહિતના ખેડૂતોએ જણાવ્યુ હતું.

જોકે, ગ્રામજનોમાં ભારે રોષ સાથે ધાતરવડી સિંચાઇ યોજનાના અધિકારીઓ સામે ભારે આક્રોશ ફેલાયો છે. કેનાલમાં ભંગાણ સર્જાતા કુંડીનું રીપેરીંગ નહીં કરાતા ખેડૂતોને પાણી મળતું નથી. આ કુંડી તુટેલી હોવાથી પાણી છલકાય જતાં પાણીનો પણ મોટો વેડફાટ થાય છે. જેના કારણે ખેડૂતોના પાકને ભારે નુકશાન થઈ રહ્યું છે. ઉલ્લેખનીય છે કે, આ કેનાલમાંથી આસપાસના ઘણા ખેડૂતોને ખેતી માટે પાણી મળે છે, ત્યારે હવે તાત્કાલિક ધોરણે આ પડતર પ્રશ્નનું નિરાકરણ લાવવામાં આવે તેવી ખેડૂતોની ઉગ્ર માંગ છે.

Read the Next Article

ભરૂચ: દહેજ પોલીસે જોલવા ગામે દુકાનમાં ગાંજાનું વેચાણ કરતા આરોપીની કરી ધરપકડ

ભરૂચની દહેજ પોલીસને બાતમી મળી હતી કે જોલવા ગામે સેફરોનસીટીમાં રહેતા નરેશ પરમાર તેની દુકાનમાં માદક પદાર્થ ગાંજાનો જથ્થો રાખી છુટક વેચાણ કરે છે

New Update
fbd

ભરૂચની દહેજ પોલીસને બાતમી મળી હતી કે જોલવા ગામે સેફરોનસીટીમાં રહેતા નરેશ પરમાર તેની દુકાનમાં માદક પદાર્થ ગાંજાનો જથ્થો રાખી છુટક વેચાણ કરે છે અને હાલમાં પણ તે દુકાનમાં માદક પદાર્થનો જથ્થો રાખ્યો છે.

 જે આધારે સરકારી પંચો સાથે રેઈડ કરતા આરોપીએ પોતાની દુકાનમાં સંતાડી રાખેલ ગેરકાયદેસર નશાકારક વનસ્પતિજન્ય માદક પદાર્થ ગાંજાનો જથ્થો મળી આવ્યો હતો. આરોપી આ જથ્થો લાવી અને તેની નાની-નાની પડીકીઓ બનાવી લોકોને છુટક વેચાણ કરવાના ઇરાદે ગાંજાનો જથ્થો પોતાની દુકાનમાં સંતાડી રાખતો હતો. પોલીસે આરોપી પાસેથી કુલ 9 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી છે.
Latest Stories