અમરેલી : ધોધમાર વરસાદ વરસતા શેત્રુંજી નદીમાં પૂર આવ્યું, કોઝ-વે પર પાણી ફરી વળતાં માર્ગ બંધ

અમરેલી જિલ્લામાં ચોમાસાની શરૂઆતમાં ધોધમાર વરસાદના કારણે શેત્રુંજી નદીમાં પૂર આવ્યું છે. જેના કારણે નદી સહિતના નાળા છલકાવાથી અનેક રસ્તા ગ્રામ્ય વિસ્તારના બંધ થઈ જાય છે. નદી વિસ્તારમાં કોઝ-વે બંધ થવાના કારણે રાહદારીઓ સહિત વાહનચાલકોને હાલાકીનો સામનો કરવો પડી રહ્યો છે. સાવરકુંડલા તાલુકાના ઘોબા ગામે શેત્રુંજી નદીનો ધસમસતો પાણીનો પ્રવાહ આવતા વાહન વ્યહાર બંધ થયો હતો. રાહદારીઓ ન છૂટકે જીવન જોખમે કોઝ-વે પરથી પસાર થાય છે. જોકે, હવે અહીં પાણી ઓસરતા કેટલીક વખત 24 કલાક તો વધુ વરસાદના કારણે ઘણી વખત 3થી 4 દિવસ પણ પાણી ઓસરતું નથી. જેના કારણે વાહન વ્યહાર બંધ રહે છે. જેથી હવે અહી ઉંચો પુલ બનાવવામાં આવે તો આ કાયમી સમસ્યા દૂર થાય તેવી સ્થાનિકો માંગ કરી રહ્યા છે.