સાબરકાંઠા : પ્રાંતિજના દલપુર પાસે ફાયનાન્સ પેઢીનો એજન્ટ લૂંટાયો,બાઈક પર આવેલા શખ્સો આંખમાં મરચું નાખી રૂ.8 લાખ રોકડ લૂંટી ફરાર

• ફાયનાન્સ પેઢીનો એજન્ટ લૂંટાયો

• બે અજાણ્યા શખ્સોએ લૂંટને આપ્યો અંજામ

• એજન્ટની આંખમાં મરચાની ભૂકી નાખી ચલાવી લૂંટ

• રૂ,8 લાખ લૂંટીને લૂંટારુ થયા ફરાર

• પોલીસે ફરિયાદ દર્જ કરીને તપાસ કરી શરૂ 

સાબરકાંઠા જિલ્લાના પ્રાંતિજમાં બુધવારની રાત્રે ફાયનાન્સ પેઢીનો એક એજન્ટ લૂંટનો ભોગ બન્યો હતો,અજાણ્યા શખ્સોએ એજન્ટની આંખમાં મરચાની ભૂકી નાખીને રૂપિયા 8 લાખ રોકડની લૂંટ ચલાવી ફરાર થઈ ગયા હતા.

સાબરકાંઠા જિલ્લાના પ્રાંતિજથી બુધવારે રાત્રે ફાયનાન્સ પેઢીનો એજન્ટ ધર્મેન્દ્ર સુતરીયા ઉઘરાણી લઈને બાઈક પર હિંમતનગર તરફ આવી રહ્યો હતો. ત્યારે દલપુર નજીક નેશનલ હાઇવે પર આવેલ એક ધાર્મિક સ્થળ પાસે બે અજાણ્યા બાઈક સવારોએ ફાયનાન્સના એજન્ટની આંખમાં મરચાની ભૂકી નાખી માર મારી તેની પાસેથી રૂપિયા 8 લાખથી વધુની રોકડની લૂંટ કરી ફરાર થઇ ગયા હતા. ત્યારબાદ આ ઈજાગ્રસ્તને સારવાર માટે હિંમતનગર સિવિલ હોસ્પિટલમાં ખસેડવામાં આવ્યો હતો.આ ઘટના સંદર્ભે પ્રાંતિજ પોલીસ તથા એફએસએલની ટીમે સ્થળ નિરીક્ષણ કરી અજાણ્યા બાઈક સવારો વિરૂધ્ધ ગુનો નોંધીને તપાસ શરૂ કરી હતી.