Connect Gujarat
ગુજરાત

ભરૂચ : અંકલેશ્વરના તરીયા ગામે એક યુવતીના બે પ્રેમીઓ વચ્ચે ખૂની ખેલ

નર્સ પ્રેમિકા 2 મિત્રો વચ્ચે બની દુશ્મનીનું કારણ, પહેલા પ્રેમી એવા મિત્રની બીજા પ્રેમીએ કરી હત્યા.

X

ભરૂચના અંકલેશ્વરમાં પ્રેમિકા 2 મિત્રો વચ્ચે દુશ્મનીનું કારણ બની અને અંતે વાત એ હદ સુધી પહોચી હતી કે નર્સના પેહલા પ્રેમી એવા મિત્રને જ બીજા પ્રેમીએ મોતને ઘાટ ઉતાર્યો. જુઓ અંકલેશ્વરના તરિયા ગામનો બનાવ.

ભરૂચના અંકલેશ્વરમાં નર્સ પ્રેમિકા જ 2 મિત્રો વચ્ચે દુશ્મનનીનું કારણ બની હોવાનો કિસ્સો સામે આવ્યો છે. નર્સના પેહલા પ્રેમી એવા મિત્રને જ બીજા પ્રેમીએ તરિયા ગામના પાટિયા પાસે અન્ય 6 સાથીદારોની મદદથી આંતરી ધારીયાના ઉપરા છાપરી ઘા ઝીંકી હત્યા કરી દેવાઈ છે.

મળતી માહિતી અનુસાર, અંકલેશ્વર તાલુકાના તરીયા ગામે એક નર્સ યુવતીના 2 પ્રેમીઓ વચ્ચે ખૂની ખેલ ખેલાયો હતો. અંકલેશ્વર તાલુકાના નવા તરીયા ગામ ખાતે રહેતા સતીશ વસાવા અને રાકેશ વસાવા વચ્ચે એક વર્ષ પહેલા મિત્રતા હતી. પરંતુ આ બને મિત્રોની વચ્ચે એક યુવતી આવી ગઈ હતી. નર્સનું કામ કરતી દિવ્યા નામની યુવતી બન્ને મિત્રોને ગમવા લાગી હતી. દિવ્યાના સતીશ વસાવા સાથે પ્રેમ સંબંધ બંધાયા જો કે થોડા જ સમયમાં આ પ્રેમ સંબંધોનો અંત આવ્યો અને દિવ્યાએ રાકેશ સાથે પ્રેમ પ્રકરણ શરુ કર્યું હતું. અને ત્યારથી બન્ને મિત્રો વચ્ચે ઉભી તિરાડ પડી હતી. બે મિત્રો વચ્ચે આવેલી યુવતીના કારણે એક વર્ષ પહેલાંની દોસ્તી દુશ્મનીમાં ફેરવાઈ ગઈ હતી.

આ અંગેની રીસ રાખી શત્રુ બની ગયેલા મિત્ર રાકેશ વસાવાએ શુક્રવારે સજોદ ગામ પાસે ગાડી લઈ સતીષ વસાવા કરીયાણાનો સમાન લેવા જઈ રહ્યો હતો તે દરમિયાન તરિયા ગામના પાટિયા પાસે તેની ગાડી રોકીને અન્ય 6 જેટલા માસ્ક પહેરેલા લોકોએ તેને ઘેરી લીધો હતો. અને સતીષ વસાવા પર ધારિયાના ઘા ઝીંકી ગંભીર ઈજાઓ પહોચાડી હતી. ત્યારબાદ સતીશને ગંભીર હાલતમાં હોસ્પિટલ ખસેડવામાં આવ્યો હતો જ્યાં તેનું ટૂંકી સારવાર બાદ મોત નીપજ્યું હતું. બનાવ અંગે અંકલેશ્વર ગ્રામ્ય પોલીસે હત્યાનો ગુનો નોંધી વધુ તપાસ હાથ ધરી છે.

Next Story