લાંબા સમયના વિરામ બાદ ફરી એકવાર વરસાદી માહોલ જોવા મળતા ખેડૂતોમાં ખુશીનું મોજુ ફરી વળ્યું છે.હવામાન વિભાગ દ્વારા દક્ષિણ ગુજરાતમાં વરસાદની આગાહી કરવામાં આવી છે તે મુજબ જ આજે સવારથી વરસાદ વરસી રહ્યો છે. પવન સાથે વરસી રહેલ વરસાદના કારણે વાતાવરણમાં ઠંડક પ્રસરી હતી તો બીજી તરફ વિરામ બાદ વરસાદ વરસતા ખેતીના પાકને પણ જીવનદાન મળી રહેશે તેવો આશાવાદ ખેડૂતો વ્યક્ત કરી રહ્યા છે. હાંસોટના સુણેવ, સાહોલ,ઓભા,આસરમા અને ઇલાવ સહિતના ગામોમાં વરસાદ વરસી રહ્યો છે.