ગુજરાતમાં ફરી એક વખત ચોમાસું જામ્યું હોય એવી સ્થિતિ સર્જાઈ છે. રાજ્યમાં લાંબા વિરામ બાદ વરસાદની વિવિધ સિસ્ટમ સક્રિય થતાં અનેક જિલ્લાઓમાં હળવાથી મધ્યમ તો ભારેથી અતિભારે વરસાદની શક્યતા હવામાન વિભાગ દ્વારા વ્યક્ત કરવામાં આવી છે. ત્યારે ભરૂચ જિલ્લામાં પણ સાર્વત્રિક વરસાદ વરસ્યો હતો. ભરૂચ જિલ્લાના તમામ નવ તાલુકામાં વરસાદ વરસના વાતાવરણમાં ઠંડક પ્રસરી હતી ઉપરાંત અને બફારા વચ્ચે છેલ્લા બે દિવસથી ભરૂચ જિલ્લામાં વરસાદી માહોલ જોવા મળી રહ્યો છે ત્યારે ભરૂચ જિલ્લામાં છેલ્લા 24 કલાકમાં વરસેલ વરસાદના તાલુકાવાર આંકડા પર નજર કરીએ તો જંબુસર 18 મી.મી.આમોદ  6 મી.મી.વાગરા 16 મી.મી.ભરૂચ 1 ઇંચ,ઝઘડિયા 1 ઇંચ,અંકલેશ્વર  1 ઇંચ,હાંસોટ 2.5 ઇંચ,વાલિયા  2 ઇંચ અને નેત્રંગમાં 1 ઇંચ વરસાદ નોંધાયો હતો. આજે સવારથી પણ વિવિધ તાલુકામાં વરસાદી માહોલ જોવા મળી રહ્યો છે. ઠેર ઠેર ઝરમર વરસાદ વરસી રહ્યો છે.