અંકલેશ્વર ઢોર ડબ્બામાંથી 20 ઢોરને ભગાડી લઈ જવાયા, પોલીસ મથકે અરજી અપાય

રાત્રિના સમયે અજાણ્યા ઇસમોએ દરવાજાનું તાળુ તોડી અંદર રહેલાં 20 પશુઓને ભગાડી ગયાં હતાં.આ અંગે નગર સેવા સદનના મુખ્ય અધિકારીએ પોલીસને અરજી આપી....

author-image
By Connect Gujarat Desk in ભરૂચ સમાચાર
New Update

અંકલેશ્વરમાં પશુપાલકોની દાદાગીરી

નગરપાલિકા દ્વારા પકડવામાં આવ્યા હતા ઢોર

ઢોર ડબ્બામાંથી 20 ઢોર થયા ગાયબ

ઢોરને છોડાવીને લઈ જવામાં આવ્યા

પોલીસ મથકમાં અરજી અપાય

અંકલેશ્વરમાં રખડતા ઢોરોના ત્રાસ વચ્ચે પશુપાલકોની દાદાગીરીનો વધુ એક કિસ્સો સામે આવ્યો છે. નગરપાલિકાએ પકડીને ઢોરડબ્બામાં રાખેલાં 20 જેટલા ઢોરોને ભગાડી જવાતાં મુખ્ય અધિકારીએ પોલીસ સ્ટેશનમાં અરજી આપી છે.

અંકલેશ્વર શહેરમાં રખડતા પશુઓનો ત્રાસ વધી રહયો હોવાથી પાલિકાએ રખડતા ઢોર પકડવાની કવાયત હાથ ધરી હતી. 20 દિવસથી ચાલી રહેલી ઝૂંબેશ દરમિયાન 20થી વધારે પશુઓને પકડીને તેને કમલમ તળાવની બાજુમાં આવેલાં ઢોરડબ્બામાં રાખવામાં આવ્યાં હતાં.
ત્યાં ફરજ બજાવતાં કર્મચારીએ રાત્રિના સમયે પશુઓને ચારો ખવડાવ્યો હતો અને રાત્રીના 10 વાગ્યાના અરસામાં દરવાજાને તાળુ મારીને ઘરે ગયો હતો.રાત્રિના સમયે અજાણ્યા ઇસમોએ દરવાજાનું તાળુ તોડી અંદર રહેલાં 20 પશુઓને ભગાડી ગયાં હતાં.આ અંગે નગર સેવા સદનના મુખ્ય અધિકારીએ પોલીસને અરજી આપી છે
#stray animal #Ankleshwar News #Stray Cattle #ઢોર ડબ્બા #રખડતા ઢોર #Ankleshwar nagarpalika #Ankleshwar Stray Cattle
Related Articles
Read the Next Article

ભરૂચ: ફલશ્રુતિ નગર સ્થિત લાયન્સ હોલમાં તસ્કરો ત્રાટકયા, રૂ.40 હજારના સામાનની ચોરી

તસ્કરોએ મુખ્ય દરવાજાનું લોક તોડી અંદર પ્રવેશ કર્યો હતો અને સ્પીકર,માઈક સહિત પાણીના નળ, સિલિંગ ફેન મળી કુલ 40 હજારના મુદ્દામાલની ચોરી કરી ફરાર થઇ ગયા

author-image
By Connect Gujarat Desk in ભરૂચ ગુજરાત
New Update

  • ભરૂચમાં તસ્કરોનો તરખાટ

  • લાયન્સ હોલને બનાવ્યો નિશાન

  • ફલશ્રુતિ નગરમાં આવેલો છે હોલ

  • રૂ.40 હજારના માલમત્તાની ચોરી

  • એ ડિવિઝન પોલીસે તપાસ શરૂ કરી

ભરૂચના ફલશ્રુતિ નગર વિસ્તારમાં આવેલ લાયન્સ ક્લબના હોલમાંથી તસ્કરો ઇલેક્ટ્રિક સામાન મળી કુલ રૂ.40 હજારના સામાનની ચોરી કરી ફરાર થઇ ગયા હતા.
ભરૂચના ફલશ્રુતિ નગર પામલેન્ડ હોસ્પિટલ પાસે લાયન્સ કલબ સંસ્થાનો હોલ આવેલ છે.જે હોલને ગત તારીખ-22મી જુનના રોજથી 23મી જુનના રોજ દરમિયાન તસ્કરોએ નિશાન બનાવ્યો હતો.તસ્કરોએ મુખ્ય દરવાજાનું લોક તોડી અંદર પ્રવેશ કર્યો હતો અને સ્પીકર,માઈક સહિત પાણીના નળ, સિલિંગ ફેન મળી કુલ 40 હજારના મુદ્દામાલની ચોરી કરી ફરાર થઇ ગયા હતા.આ અંગેની જાણ થતા જ સંસ્થાના હોદ્દેદારો દોડી આવ્યા હતા અને પોલીસને જાણ કરવામાં આવી હતી. ભરૂચ શહેર એ ડિવિઝન પોલીસે બનાવ સંદર્ભે ચોરી અંગેનો ગુનો નોંધી વધુ તપાસ હાથ ધરી છે.
#Bharuch News #Bharuch Police #Connect Gujarat #તસ્કરો #તસ્કરોનો તરખાટ