ભરૂચ: તવરા રોડ પર પરથી 9 ફૂટ લાંબા અજગરનું રેસ્ક્યુ કરી વન વિભાગને સોંપાયો

ભરૂચ શહેર અને જીલ્લામાં દિવસે ને દિવસે અજગર દેખાવાના બનાવો વધી રહ્યા છે. ખોરાકની શોધમાં નીકળતા અજગરો ધણી વાર માનવ વસ્તીની સાથે સાથે જાહેરમાર્ગો પર પણ આવી જતા હોય છે.ત્યારે આવો જ એક કિસ્સો ભરૂચ તાલુકાના તવરા રોડ પર આવેલ પટેલ પાર્કિંગની આસપાસ મહાકાય અજગર દેખાતા દિગ્વિજયસિંહ દ્વારા ફ્રેન્સ ઓફ એનિમલની ટીમને જાણ કરવામાં આવતા ટીમના મનોજ સોલંકી અને રિતેશ ગાયકવાડ ઘટના સ્થળે પહોંચ્યા હતા અને મહાકાય અજગરનું સુરક્ષિત રીતે  રેસ્ક્યુ કરવામાં આવ્યું હતું.રેસ્ક્યુ કરવામાં આવેલ મહાકાય અજગર અંદાજીત સાડા નવ ફૂટ લાંબો અને ૧૨ કિલો વજન ધરાવતા અજગરને ર વન વિભાગને સોંપવામા આવ્યો હતો.