અંકલેશ્વર  : શ્રી દર્શન સોસાયટીમાં લૂંટનો પ્રયાસ કરીને યુવક ગટરમાં કૂદી પડ્યો,પોલીસે કરી આરોપીની ધરપકડ

લૂંટારૂ યુવક પોલીસથી બચવા માટે ગટરમાં કૂદી પડ્યો હતો,અને પોલીસે પણ ગટરમાં છલાંગ લગાવીને આરોપીને દબોચી લીધો હતો.ઘટનાને પગલે ફિલ્મી જેવા દ્રશ્યો સર્જાયા

author-image
By Connect Gujarat Desk in ભરૂચ ગુજરાત
New Update

  • સારી દર્શન સોસા.માં લૂંટનો પ્રયાસ

  • યુવકે ચપ્પુ બતાવીને લૂંટનો કર્યો પ્રયાસ

  • દંપતીએ બુમાબુમ કરતા યુવક ભાગ્યો

  • પોલીસથી બચવા ગટરમાં લગાવી છલાંગ

અંકલેશ્વરના દીવા રોડ પાસેની શ્રી દર્શન સોસાયટીમાં એક ઘરમાં યુવક ચપ્પુ લઈને ઘુસ્યો હતો,અને લૂંટનો પ્રયાસ કર્યો હતો.સ્થાનિક લોકો દોડી આવતા લૂંટારૂ યુવક ભાગી ગયો હતો,અને ગટરમાં કૂદી પડ્યો હતો,જોકે પોલીસે તેની ધરપકડ કરીને વધુ તપાસ શરૂ કરી હતી.

અંકલેશ્વરના દીવા રોડ પાસેની શ્રી દર્શન સોસાયટીમાં રહેતા વિશાલ જોષી પરિવારના ઘરમાં ગતરાતે એક યુવક ચપ્પુ સાથે ઘુસી ગયો હતો,અને જમવા બેસેલો પરિવાર યુવકને જોઈને પહેલા ડરી ગયો હતો,અને યુવકે ચપ્પુનો ડર બતાવીને સોનાના ઘરેણાં સહિતની માંગ કરી હતી,જોકે વિશાલ જોષીએ હિંમતભેર બુમાબુમ કરતા આસપાસના રહીશો દોડી આવ્યા હતા.અને લૂંટ કરવા આવેલા યુવકે ભાગવાનો પ્રયાસ કર્યો હતો,અને બીજી તરફ શહેર પોલીસની ટીમ પણ આવી પહોંચી હતી.જોકે લૂંટારૂ યુવક પોલીસથી બચવા માટે ગટરમાં કૂદી પડ્યો હતો,અને પોલીસે પણ ગટરમાં છલાંગ લગાવીને આરોપીને દબોચી લીધો હતો.ઘટનાને પગલે ફિલ્મી જેવા દ્રશ્યો સર્જાયા હતા.

અંકલેશ્વર શહેરA ડિવિઝન પોલીસની તપાસમાં આરોપીનું નામ સોનુકુમાર કેસરી નવીનગરીમાં રહેતો હોવાનું જાણવા મળ્યું હતું.હાલ પોલીસે તેની ધરપકડ કરીને વધુ તપાસ શરૂ કરી છે.આશ્ચર્યની વાત તો એ છે કે આ યુવક ભોગબનનાર વિશાલ જોષીના પુત્રનો જ મિત્ર છે અને યુવક ઓનલાઇન ગેમમાં રૂપિયા હારી ગયા બાદ દેવું વધી જતા તેને લૂંટનો માર્ગ અપનાવ્યો હોવાનું પણ જાણવા મળ્યું હતું.

#Bharuch Samachar #Bharuch Police #Ankleshwar police #Gujarati News #Loot Case #Ankleshwar Theft News #ankleshwar theft #ધરપકડ
Related Articles
Read the Next Article

ભરૂચ જિલ્લા જેલમાં રક્ષાબંધનની ભાવપૂર્ણ ઉજવણી કરાય, બહેનોએ બંદીવાન ભાઈઓના હાથ પર રક્ષા કવચ બાંધ્યું

ભાઈ-બહેનના પવિત્ર સંબંધને ઉજાગર કરતાં રક્ષાબંધન પર્વની પૂર્વ સંધ્યાએ ભરૂચ નગરપાલિકા પ્રમુખ વિભૂતિ યાદવ, સેનેટરી ચેરમેન હેમાલી રાણા સહિત નગરસેવક

author-image
By Connect Gujarat Desk in ભરૂચ Featured
New Update

ભાઈ અને બહેનના પવિત્ર સંબંધને ઉજાગર કરતો પર્વ

રક્ષાબંધનની પૂર્વ સંધ્યાએ સબજેલમાં ઉજવણી કરાય

પાલિકા-જનહિતાર્થ ચેરીટેબલ ટ્રસ્ટના બહેનોની ઉપસ્થિતિ

નગરપાલિકા પ્રમુખ વિભૂતિ યાદવ રહ્યા વિશેષ ઉપસ્થિત

બંદીવાનોને હાથ પર રાખડી બાંધી રક્ષા કવચ અર્પણ કર્યું

ભાઈ-બહેનના પવિત્ર સંબંધને ઉજાગર કરતાં રક્ષાબંધન પર્વની પૂર્વ સંધ્યાએ ભરૂચ નગરપાલિકા પ્રમુખ વિભૂતિ યાદવ, સેનેટરી ચેરમેન હેમાલી રાણા સહિત નગરસેવક બહેનો તથા જનહિતાર્થ ચેરીટેબલ ટ્રસ્ટના ઉપપ્રમુખ જીજ્ઞાશા ગોસ્વામી, ગ્રુપ લીડર નયના ખુમાણ, મિતાક્ષી સોલંકી અને ટ્રસ્ટની બહેનો દ્વારા ભરૂચ જિલ્લા જેલની મુલાકાત લેવામાં આવી હતી.

આ ખાસ પવિત્ર અવસરે જેલના અધિકારી-કર્મચારીઓ તેમજ બંદીવાન ભાઈઓના હાથ પર રાખડી બાંધી રક્ષાનું પવિત્ર કવચ અર્પણ કરવામાં આવ્યું હતું. આ સાથે જ બહેનોએ ભાઈઓનું મોઢું મીઠું કરાવી રક્ષાબંધનના તહેવારને સ્નેહથી ઉજવવામાં આવ્યો હતો. ભરૂચ નગરપાલિકા પ્રમુખ વિભૂતિ યાદવ તથા ટ્રસ્ટની બહેનો દ્વારા તમામ બંદીવાન ભાઈઓને ખુદને સુધારવાનો સંકલ્પ લેવા પ્રેરણા આપવામાં આવી હતી. તેમને ખોટા દૂષણોથી દૂર રહી, એક સારા નાગરિક તરીકે સમાજમાં ફરીથી સ્થાન મેળવવા માટે માર્ગદર્શન આપવામાં આવ્યું હતું.