અંકલેશ્વર બી ડીવીઝન પોલીસે પ્રતિન ચોકડીથી ભરૂચ તરફ માર્ગ ઉપરથી વિદેશી દારૂ ભરેલ ટાટા મેજિકમાંથી વિદેશી દારૂના જથ્થા સાથે બે બુટલેગરોને ૩.૯૭ લાખનો મુદ્દામાલ કબજે કર્યો હતો.

અંકલેશ્વર બી ડીવીઝન પોલીસ મથકનો સ્ટાફ પેટ્રોલીંગમાં હતો તે દરમિયાન બાતમી મળી હતી કે સુરત તરફથી ટાટા મેજિક ગાડીમાં વિદેશી દારૂનો જથ્થો ભરી બે ઈસમો ગોલ્ડન બ્રીજ વાળા માર્ગ તરફ થઇ ભરૂચ જનાર છે.જેવી બાતમીના આધારે પોલીસે પ્રતિન ચોકડીથી ભરૂચ તરફ માર્ગ ઉપર વોચ ગોઠવી હતી તે દરમિયાન બાતમી વાળું વાહન આવતા પોલીસે તેને અટકાવી તેમાં તપાસ કરતા તેમાંથી વિદેશી દારૂની ૮૬૪ નંગ બોટલ મળી આવી હતી પોલીસે ૮૬ હજારનો દારૂ અને બે ફોન તેમજ ટાટા મેજિક મળી કુલ ૩.૯૭ લાખનો મુદ્દામાલ કબજે કર્યો હતો.અને ભરૂચના ભોલાવ વિસ્તારમાં આવેલ મહાદેવ નગરમાં રહેતો સ્વપ્નીલ ઉર્ફે સોનું અજય ચૌહાણ અને પ્રશાંતકુમાર ઠાકોર પરમારને ઝડપી પાડ્યો હતો.જયારે વિદેશી દારૂનો જથ્થો આપનાર સુરતના ઇમરાન નામના ઇસમ સહીત જથ્થો મંગાવનાર તિલકકુમાર પટેલને વોન્ટેડ જાહેર કરી વધુ તપાસ હાથ ધરી છે.