અંકલેશ્વર: હીટ એન્ડ રનના બનાવમાં મોપેડ સવાર 2 સગી બહેનોના મોત

ભરૂચ જિલ્લાના અંકલેશ્વર નજીક હાઇવે પર હીટ એન્ડ રનનો બનાવ બન્યો હતો જેમાં અજાણ્યા વાહનની અડફેટે મોપેડ સવાર બે સગી બહેનોના મોત નીપજ્યા હતા

New Update

અંકલેશ્વર નજીક હાઇવે પર હીટ એન્ડ રનનો બનાવ બન્યો હતો જેમાં અજાણ્યા વાહનની અડફેટે મોપેડ સવાર બે સગી બહેનોના મોત નીપજ્યા હતા

અંકલેશ્વરના ભડકોદ્રામાં ઇકરા સ્કૂલ નજીક આવેલ સાઇન પાર્ક સોસાયટીમાં રહેતા શેરઅલી ખાન તેમની બે પુત્રી કનીસ ફાતમા અને સીમા જલાલને લઈને મોપેડ પર ગતરોજ રાત્રીના મોહરમ પર્વ નિમિત્તે તાજીયાનું ઝુલુસ નિહાળવા માટે અંકલેશ્વર શહેર વિસ્તારમાં ગયા હતા.જ્યાંથી તાજીયાનું ઝુલુસ નિહાળી પરત તેઓ ફરી રહ્યા હતા તે દરમિયાન હાઇવે પર આમલાખાડીના ઓવરબ્રિજ પર પૂરઝડપે જતા અજાણ્યા વાહનના ચાલકે તેઓની મોપેડને ટક્કર મારી હતી.
જેના પગલે પિતા અને બંને પુત્રીઓ માર્ગ પર પટકાયા હતા.અકસ્માતના બનાવમાં ગંભીર ઇજાના પગલે 17 વર્ષીય કનીજ ફાતમા અને 16 વર્ષીય સીમા જમાલનું ઘટના સ્થળે જ કમકમાટી ભર્યું મોત નિપજ્યું હતું જ્યારે શેરઅલી ખાનને ઇજા પહોંચતા સારવાર અર્થે ખસેડવામાં આવ્યા હતા. આ તરફ અકસ્માત સર્જી વાહનચાલક ફરાર થઈ ગયો હતોમબનાવની જાણ થતાની સાથે જ બી ડિવિઝન પોલીસનો કાફલો ઘટનાસ્થળે પહોંચ્યો હતો અને બનાવ સંદર્ભે ગુનો નોંધી ફરાર વાહનચાલકની ધરપકડના ચક્રો ગતિમાન કર્યા છે.
Read the Next Article

GSEB દ્વારા લેવાયેલી ધોરણ 10 (SSC)ની પૂરક પરીક્ષાનું પરિણામ જાહેર

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા જૂન-જુલાઈ 2025 દરમિયાન લેવાયેલી ધોરણ 10 (SSC)ની પૂરક પરીક્ષાનું પરિણામ આજે, (18 જુલાઈ, 2025)ના રોજ જાહેર કરવામાં આવ્યું છે

New Update
Untitled

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા જૂન-જુલાઈ 2025 દરમિયાન લેવાયેલી ધોરણ 10 (SSC)ની પૂરક પરીક્ષાનું પરિણામ આજે, (18 જુલાઈ, 2025)ના રોજ જાહેર કરવામાં આવ્યું છે.

વિદ્યાર્થીઓ gseb.org વેબસાઇટ અને વોટ્સએપ દ્વારા પોતાનું પરિણામ ચકાસી શકશે. 

અગાઉ માર્ચ મહિનામાં લેવાયેલી મુખ્ય પરીક્ષામાં જે વિદ્યાર્થીઓ એક કે તેથી વધુ વિષયમાં નપાસ થયા હતા, તેમનું શૈક્ષણિક વર્ષ બગડે નહીં તે હેતુસર આ પૂરક પરીક્ષાનું આયોજન 23 જૂન, 2025થી 3 જુલાઈ, 2025 દરમિયાન કરવામાં આવ્યું હતું.

પરિણામ જાહેર થયા બાદ, વિદ્યાર્થીઓ તેમના રોલ નંબરનો ઉપયોગ કરીને ગુજરાત બોર્ડની સત્તાવાર વેબસાઇટ gseb.org પર લોગિન કરીને પોતાનું રિઝલ્ટ જોઈ શકશે અને માર્કશીટ પણ ડાઉનલોડ કરી શકશે. આ ઉપરાંત, વોટ્સએપ દ્વારા પણ પરિણામ મેળવી શકાશે.