અંકલેશ્વર: નેશનલ હાઇવે નજીક પતરાના શેડમાં ચાલતું જુગારધામ ઝડપાયું, 3 જુગારીની અટકાયત

ભરૂચ ક્રાઇમ બ્રાન્ચના સુત્રોને  બાતમી  મળી હતી કે અંકલેશ્વર નજીક નેશનલ હાઇવે નંબર 48 પર હોટલ એરોમાં પાછળ ખેતરમાં પતરાના શેડ નીચે જુગારધામ ચાલી રહ્યું છે. જેના આધારે પોલીસે દરોડા પાડ્યા હતા. આ દરમિયાન ત્રણ જુગારીઓ જુગાર રમતા રંગેહાથ ઝડપાઈ ગયા હતા.પોલીસે સારંગપુરના મુકેશ વણઝારા, વિપુલ પટેલ અને પરેશ પટેલની અટકાયત કરી હતી જ્યારે અન્ય પાંચ જુગારીઓ ફરાર થઈ ગયા હતા. પોલીસે આરોપીઓ પાસેથી કાર,બાઈક અને મોબાઈલ મળી કુલ રૂપિયા 6.97 લાખનો મુદ્દામાલ કબ્જે કરી કાયદેસરની કાર્યવાહી હાથ ધરી છે