અંકલેશ્વર : DGVCL'ની પ્રિ-મોન્સૂન કામગીરી, વીજ વાયરોને નડતરરૂપ ઝાડની ડાળીઓ દૂર કરાય...

ભરૂચ જિલ્લાના અંકલેશ્વર GIDC વિસ્તારમાં દક્ષિણ ગુજરાત વીજ કંપની દ્વારા પ્રિ-મોન્સૂન કામગીરી અંતર્ગત વીજ વાયરોને નડતરરૂપ ઝાડની ડાળીઓ દૂર કરવામાં આવી હતી.

ભરૂચ જિલ્લાના અંકલેશ્વર GIDC વિસ્તારમાં દક્ષિણ ગુજરાત વીજ કંપની દ્વારા પ્રિ-મોન્સૂન કામગીરીના ભાગરૂપે વીજ વાયરોને નડતરરૂપ ઝાડની ડાળીઓ કાપવામાં આવી રહી છે. વીજ કંપની દ્વારા 132/4 ફીડરમાં આવતા વીજ વાયરો તેમજ લોકોને અડચણરૂપ હોય તેવા વૃક્ષોની ડાળીઓ કાપવામાં આવી રહી છે. આ કામગીરીમાં DGVCLના 40થી વધુ કર્મચારીઓ સહિત કામદારો જોડાયા હતા. અત્રે ઉલ્લેખનીય છે કે, વિધિવત રીતે ચોમાસુ બેસવાના દિવસો નજીક છે, ત્યારે વીજ ગ્રાહકોને કોઈ તકલીફ ન પડે તે માટે  પ્રિ-મોન્સૂન કામગીરી હાથ ધરવામાં આવી હોવાનું DGVCLના અધિકારીએ કનેક્ટ ગુજરાત સાથેની વાતચીતમાં જણાવ્યું હતું.