અંકલેશ્વર: GIDC બસ ડેપો સામે આવેલ હોટલ રોયલ ઇનમાંથી જુગારધામ ઝડપાયું, 8 જુગારીની ધરપકડ

અંકલેશ્વર જી.આઈ.ડી.સી.બસ ડેપોની સામે આવેલ હોટલ રોયલ ઈનમાંથી જુગાર રમતા હોટલના ભાગીદાર સહીત આઠ જુગારીયાઓને ૮૦ હજારથી વધુના મુદ્દામાલ સાથે ઝડપી પાડ્યા હતા

author-image
By Connect Gujarat Desk in ભરૂચ સમાચાર
New Update

  • અંકલેશ્વરમાં ભરૂચ ક્રાઇમ બ્રાન્ચની કાર્યવાહી

  • હોટલ રોયલ ઇનમાં ચાલતું હતું જુગારધામ

  • 8 જુગારીઓની પોલીસે કરી ધરપકડ

  • રૂ.80 હજારથી વધુનો મુદ્દામાલ કબ્જે કરાયો

  • 4 જુગારીને વોન્ટેડ જાહેર કરાયા

ભરૂચ એલસીબીએ અંકલેશ્વર જી.આઈ.ડી.સી.બસ ડેપોની સામે આવેલ હોટલ રોયલ ઈનમાંથી જુગાર રમતા હોટલના ભાગીદાર સહીત આઠ જુગારીયાઓને ૮૦ હજારથી વધુના મુદ્દામાલ સાથે ઝડપી પાડ્યા હતા જયારે મેનેજર સહીત ચારને વોન્ટેડ જાહેર કરવામાં આવ્યા હતા 
ભરૂચ જિલ્લા પોલીસ વડા મયુર ચાવડા દ્વારા જીલ્લામાં પ્રોહીબિશન જુગારની અસામાજીક પ્રવૃતિઓ સદંતર બંધ રહે અને જીલ્લામાં કાયદો અને વ્યવસ્થા જળવાઇ રહે તે માટે આપેલ સૂચનાને આધારે ભરૂચ એલસીબીના પી.આઈ એમ.પી.વાળા એલ.સી.બી.ના માર્ગદર્શન હેઠળ પી.એસ.આઈ આર.કે.ટોરાણી સહીત સ્ટાફ પેટ્રોલીંગમાં હતો તે દરમિયાન બાતમી મળી હતી કે અંકલેશ્વર જુના હાઇવે ઉપર જી.આઈ.ડી.સી બસ ડેપોની સામે આવેલ હોટલ રોયલ ઈનમાં રૂમ નંબર-૩૦૬માં હોટલના ભાગીદાર લતીફ અબ્બાસ મલેક બહારથી માણસો બોલાવી ભેગા કરી જુગારધામ ચલાવે છે.
જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી રોકડા ૩૦ હજાર અને ૬ મોબાઈલ ફોન તેમજ એક બાઈક મળી કુલ ૮૦ હજારથી વધુનો મુદ્દામાલ કબજે કર્યો હતો અને જંબુસરના દહેગામ ચકલો ફળિયામાં રહેતો અને હોટલના ભાગીદાર લતીફ અબ્બાસ મલેક,અઝીમ ઐયુબ બક્સ,નઈમ ઈસ્માઈલ મદાફરીયા,મોહંમદ ઝૈદ મોહંમદ વોરા પટેલ,મોહસીન કમરૂદીન દીવાન અને આસિફ ઉસ્માન મલેક,ઝાકીર અબ્બાસ વોરા પટેલ તેમજ સિદીક રાજા મલેકને ઝડપી પાડ્યો હતો જયારે હોટલના મેનેજર સહીત ચાર જુગારીયાઓને વોન્ટેડ જાહેર કર્યા હતા.
#GIDC bus depo #CGNews #Ankleshwar #Gamblers #hotel #gambling #GIDC
Related Articles
Read the Next Article

અંકલેશ્વર: કોસમડીની સાંઈ વાટીકા સોસા.માં શ્વાનના ગલુડિયા પર કાર ચઢી જતા મોત નિપજ્યું, કાર ચાલક સામે ગુનો નોંધાયો

કોસમડી ગામની યોગ નગર સાંઈ વાટીકા સોસાયટીમાં શ્વાનના ગલુડિયાઓ પર ફોર વહીલર ચઢાવી મોતને ઘાટ ઉતારી દેતા કાર ચાલક વિરૂદ્ધ પશુ ક્રુરતાનો ગુનો નોંધાયો

author-image
By Connect Gujarat Desk in ભરૂચ સમાચાર
New Update
Saivatika Society
અંકલેશ્વરના કોસમડી ગામની યોગ નગર સાંઈ વાટીકા સોસાયટીમાં શ્વાનના ગલુડિયાઓ પર ફોર વહીલર ચઢાવી મોતને ઘાટ ઉતારી દેતા કાર ચાલક વિરૂદ્ધ પશુ ક્રુરતાનો ગુનો નોંધાયો
અંકલેશ્વરના કોસમડી ગામની યોગ નગર સાંઈ વાટીકા સોસાયટીમાં રહેતા જય પ્રકાશ પારસનાથ યાદવ બિલ્ડરનો વ્યવસાય કરે છે.જેઓ ગત તારીખ-12મી જુનના રોજ કિમ ખાતેની સાઇટ પર ગયા હતા.તે દરમિયાન તેઓની પત્નીનો ફોન આવ્યો હતો અને તેઓએ પોતાની સોસાયટીમાં રહેતા વિજય પાટીલએ બંસી પાટીલની ફોર વહીલર ગાડી શ્વાનના ગલુડિયાઓ પર ચઢાવી દીધી છે અને કોઈ ડોક્ટરને મોકલો જેથી જય પ્રકાશ યાદવે સાર્થક ફાઉન્ડેશમાં સંપર્ક કર્યો હતો.
જે બાદ જીવદયા પ્રેમી સંસ્થાના સુરજસિંગએ હકીકત પૂછતાં જય પ્રકાશ યાદવએ તેઓના ઘરે લગાવેલ સીસીટીવી કેમેરાના ફૂટેજ પોતાની પત્ની સામે મંગાવ્યા હતા.જેમાં એક ગલુડિયાનું ફોર વહીલર ચાલકે સ્થળ પર જ મોત નીપજ્યું હોવાનું જણાઈ આવ્યું હતું.જ્યારે અન્યને ઇજાઓ પહોંચી હોવાનું માલુમ પડ્યું હતું.બનાવ અંગે અંકલેશ્વર જી.આઈ.ડી.સી.પોલીસ મથકે ગાડી ચાલક વિરુદ્ધ પશુ પ્રત્યે ક્રુરતા પ્રતિબંધ અધિનિયમ હેઠળ ગુનો દાખલ કરવામાં આવ્યો છે.આ ઘટનાના સીસીટીવી કેમેરાના ફૂટેજ સામે આવ્યા છે.
#dog puppy #Dog Puppy News #Street Dog #Ankleshwar police #Kosmadi village