અંકલેશ્વર નગર સેવાસદન દ્વારા ચોમાસાને ધ્યાનમાં રાખી પ્રિમોન્સૂન કામગીરીનો પ્રારંભ કરવામાં આવ્યો છે જેમાં વરસાદી કાંસોની સાફ-સફાઈ સાથે જર્જરિત મકાનો નો સર્વે પણ શરૂ કરવામાં આવ્યો છે.

અંકલેશ્વર નગર સેવા સદન દ્વારા પ્રિ મોન્સૂન કામગીરીનો પ્રારંભ કરવામાં આવ્યો છે. ચોમાસામાં શહેરી વિસ્તારમાં વરસાદી પાણીનો ભરાવો ના થાય અને સરળતા પૂર્વકનિકાલ થાય તે માટે પ્રિ મોન્સૂન કામગીરી શરૂ કરાઈ હતી. પાલિકા દ્વારા બે વિભાગ માંપ્રિ મોન્સૂન કામગીરી વહેંચવામાં આવી છે.જેમાં શહેરની આંતરિક ગટર લાઈન અને ચેમ્બરને મેન્યુઅલ સફાઈની શરૂઆત કરવામાં આવી છે. 

શહેરમાં વરસાદી પાણીના નિકાલની મુખ્ય કાંસ અનસ મોટર્સ પાસેની, સ્ટેશન વિસ્તારની કાંસ તેમજ તેની સામેના વિસ્તારમાં કંકુ તળાવ વિસ્તારની કાંસ, સંજય નગર વિસ્તારની નાની કાંસ, ઉપરાંત ટીચર્સ સોસાયટી અડીને પસાર થતી અને હસ્તી તળાવ ગાયત્રી મંદિર થઇ આંબાવાડી વિસ્તારની મુખ્ય કાંસની સફાઇ કરવામાં આવી રહી છે.

આ ઉપરાંત નગર સેવા સદન દ્વારા શહેરમાં આવેલા જર્જરીત મકાનોનો પણ સર્વે હાથ ધરવામાં આવ્યો છે. સર્વે પૂર્ણ થયા બાદ જર્જરીત  મિલકતો છે તેને ઉતારી લેવા માટે નોટિસ પાઠવવામાં આવશે.આમ નગરસેવા સદન દ્વારા પ્રી મોન્સૂન કામગીરીનો અત્યારથી જ પ્રારંભ કરી દેવામાં આવ્યો છે.