અંકલેશ્વર : 14 વર્ષની સગીરાને લગ્નની લાલચે ભગાડી જનાર યુવાનની ધરપકડ

અંકલેશ્વરમાંથી સગીરાને લગ્નની લાલચે ભગાડી લઈ  લઈ જવાઈ હોવાની પોલીસ ફરિયાદ અંકલેશ્વર એ ડિવિઝન પોલીસ મથકે નોંધાઈ હતી. અંકલેશ્વર શહેરના એક વિસ્તારમાં રહેતી ૧૪ વર્ષીય સગીરાને અંકલેશ્વર શહેરમાં આવેલ સંજય નગરમાં રહેતો કલિમ ઉર્ફે સાજીદ નામનો શખ્સ લગ્નની લાલચ આપી ભગાડી ગયો હતો.આ અંગે સગીરાના પિતાએ અંકલેશ્વર શહેર એ ડિવિઝન પોલીસમાં ફરિયાદ નોંધાવી હતી જેના આધારે પોલીસે તપાસ શરૂ કરી હતી. પોલીસે આઠ દિવસમાં સગીરા અને યુવાનને ચેન્નઈ ખાતેથી ઝડપી પાડ્યા હતા.પોલીસ દ્વારા સગીરાનો કબજો પરિવારને સોંપવામાં આવ્યો છે જ્યારે આરોપી કલીમ ઉર્ફે સાજીદની પોક્સો એકટનક વિવિધ કલમો હેઠળ ધરપકડ કરવામાં આવી છે.