ભરૂચમાં ધુળેટીના પર્વ પર દુર્ઘટનાઓની વણઝાર જોવા મળી હતી.રંગોના પર્વ ધુળેટી પર એક મેકને રંગ લગાવ્યા બાદ અનેક યુવાનો નદી, કેનાલ અને તળાવમાં નાહવા જતા હોય છે ત્યારે તળાવ અને નદીમાં ડૂબી જવાની ત્રણ અલગ અલગ ઘટના બની હતી જેમાં પ્રથમ ઘટનામાં નંદેલાવ નજીક તળાવમાં નાહવા અને માછીમારી કરવા ગયેલા ત્રણ બાળકો ડૂબ્યા હતા.આ અંગેની જાણ સ્થાનિકોએ ફાયર વિભાગને કરતા ભરૂચ નગર સેવાસદનના ફાયર ફાયટરો ઘટના સ્થળે પહોંચી ગયા હતા જેમાં એક બાળકને બચાવી લેવાયો હતો જ્યારે બે બાળકોની શોધખોળ હાથ ધરાઈ હતી.આ તરફ નર્મદા નદીના અંકલેશ્વર તરફના છેડે ધુળેટી રમ્યા બાદ મોટી સંખ્યામાં લોકો નદીમાં નાહવા ઉમટયા હતા ત્યારે મહકતમપુર વિસ્તારમાં રહેતો એક યુવાન નદીના ઊંડા પાણીમાં ગરકાવ થઈ ગયો હતો. સ્થાનિક તરવૈયાઓ દ્વારા તેની શોધખોળ હાથ ધરવામાં આવી હતી.આ તરફ જંબુસરમાં પણ તળાવમાં ડૂબી જવાની ઘટના બની હતી. જંબુસરમાં તળાવમાં નાહવા ગયેલ એક યુવાન ડૂબી જતા તે લાપતા બન્યો હતો જેની ફાયર ફાયટર દ્વારા શોધખોળ હાથ ધરવામાં આવી હતી.આ તરફ કેલોદ ખાતે નર્મદા નદીમાં પણ ડૂબી જવાનો બનાવ બન્યો હતો.