ભરૂચ: નેત્રંગની ચાસવડ દૂધ ડેરીમાંથી ઘીના 900 ડબ્બાની ચોરી, સમગ્ર ઘટના CCTV કેમેરામાં કેદ

ભરૂચના નેત્રંગમાં આવેલ ચાસવડ દૂધ ડેરીમાંથી અજાણ્યા ઈસમો રૂપિયા 5.61 લાખની  કિંમતના ઘીના ડબ્બાની ચોરી કરી ફરાર થઈ જતા ખળભળાટ મચી જવા પામ્યો છે. ચોરીની આ ઘટના સીસીટીવી કેમેરામાં કેદ થઈ છે

ભરૂચના નેત્રંગ તાલુકાના ચાસવડ ગામે કાર્યરત શ્રી નેત્રંગ વિભાગ દુધ ઉત્પાદક સહકાર મંડળીમાં  ગોડાઉનની પાછળના ભાગે આવેલ ૧૨ ફુટ ઉંચી દિવાલ ઉપર લગાવવામાં આવેલ પતરના સ્ક્રુ ખોલીને ગોડાઉનમાંથી ૧ લીટરના ઘીના બોક્સ નંગ-૭૭માં ભરેલા ૯૩૫ ઘી ના ડબ્બા ચોરી કરીને ફરાર થઇ ગયો હતો. ચોરીને આ સમગ્ર ઘટના ગોડાઉનમાં લગાવવામાં આવેલા સીસીટીવી કેમેરામાં પણ કેદ થઈ છે.ગોડાઉનમાં ઘીના ડબ્બાનો સ્ટોક ઓછો દેખાતા ગોડાઉનના મેનેજરે ચાસવડ ડેરીના વ્યવસ્થાપક સમિતિના પ્રમુખ-ઉપપ્રમુખ અને મેનેજરને જાણ કરી હતી.જેમાં ઘી ના ડબ્બાનો સ્ટોકની તપાસ કરવામાં આવતા ઘટાડો જોવા મળ્યો હતો.જેમાં ચાસવડ ડેરાના મેનેજર સુરેશ પટેલે કુલ ૯૩૫ ઘીના ડબ્બા જેની કિંમત રૂ.૫,૬૧,૦૦૦ની મુદામાલની ચોરી થઈ હોવાની પોલીસ ફરિયાદ નોંધાવી છે. નેત્રંગ પોલીસે સીસીટીવી ફૂટેજ ના આધારે વધુ તપાસ હાથ ધરી છે