ભરૂચ: આમોદ પોલીસે ગુનાહિત ઇતિહાસ ધરાવતા સિકલીગર ગેંગના ઈસમ પાસેથી શંકાસ્પદ રૂ.4.44 લાખ જપ્ત કર્યા

ભરૂચના  આમોદ પોલીસ સ્ટાફ તથા લોકલ ક્રાઈમ બ્રાંચની ટીમ સાથે આમોદ તાલુકા પંચાયત નજીક આવેલ નવીનગરીમા રહેતા અને ગુનાહિત ઇતિહાસ ધરાવતા સિકલીંગર ગેંગ સાથે સંકળાયેલ તેમજ ભુંડ પકડવાની,તગારા,બ્લેંકેટ, ચાદર,વેચવાની, ડુપ્લીકેટ ચાવીઓ બનાવવાની કામગીરી દરમ્યાન વિસ્તારની રેકી કરી બહારના સગા-સબંધીઓને બોલાવીને ગુનાને અંજામ આપવાની તરકીબ ધરાવતા શેરસિંહ ઉર્ફે સતનામસિંહ બચ્ચનસિંહ સિકલીંગરને ચેક કરતા તેની પાસેથી શંકાસ્પદ હાલતમા રોકડ રકમ રૂપિયા ૪.૪૪ લાખ મળી આવતા પોલીસે રોકડ રકમ કબજે કરી કાયદેસરની કાર્યવાહી હાથ ધરી હતી. અત્રે ઉલ્લેખનીય છે કે શેરસિંહ ઉર્ફે સતનામસિંહ વિરૂદ્ધ આમોદ ,મકરપુરા, ગોરવા તથા અંકલેશ્વર પોલીસ મથકે પણ ગુના નોંધાયેલ છે.