ભરૂચ: અંકલેશ્વરમાં 4.5 ઇંચ વરસાદથી જળબંબાકાર

હવામાન વિભાગ દ્વારા દક્ષિણ ગુજરાતમાં ભારેથી અતિ ભારે વરસાદની આગાહી કરવામાં આવી છે ત્યારે ભરૂચ જિલ્લામાં સાર્વત્રિક ધોધમાર વરસાદ વરસ્યો હતો અંકલેશ્વરમાં માત્ર ગણતરીના જ સમયમાં સાડા ચાર ઇંચ વરસાદ વરસી જતા જળબંબાકારની પરિસ્થિતિનું નિર્માણ થયું હતું. અંકલેશ્વર જીઆઇડીસી શહેરી વિસ્તાર અને ગ્રામ્ય વિસ્તારોમાં મુશળધાર વરસાદ વરસ્યો હતો જેના પગલે અનેક વિસ્તારોમાં વરસાદી પાણી પણ ભરાયા હતા. રવિવારની રજાની મજા લોકોએ વરસાદ સાથે માણી હતી ભરૂચ જિલ્લામાં વરસાદના તાલુકા આંકડા પર નજર કરીએ તો જંબુસર 7 મી.મી.આમોદ  12 મી.મી.વાગરા 1.75 ઇંચ,ભરૂચ 2 ઇંચ,ઝઘડિયા 1 ઇંચ,અંકલેશ્વર 4.5 ઇંચ,હાંસોટ 1 ઇંચ,વાલિયા 1.5 ઇંચ અને નેત્રંગમાં  1.5 ઇંચ વરસાદ વરસ્યો હતો.