ભરૂચ: મનુબર ચોકડી નજીક કારમાં આગ, કાર ચાલકનો આબાદ બચાવ

ભરૂચ શહેરમાં ઉનાળાની કાળઝાળ ગરમી વચ્ચે આગ લાગવાના બનાવમાં વધારો જોવા મળી રહ્યો છે ત્યારે ભરૂચની મનુબર ચોકડી નજીક એક કારમાં અચાનક જ આગ ફાટી નીકળતા દોડધામ મચી જવા પામી હતી.

મનુબર ચોકડી નજીક આવેલ હોટલ સુરતી હાંડી નજીક ચાલુ કારમાં આગ ફાટી નીકળી હતી. જોતજોતામાં આગે વિકરાળ સ્વરૂપ ધારણ કર્યું હતું આ તરફ કારમાં સવારે લોકો સમય સૂચકતા વાપરી નીચે ઉતરી જતા તેઓનો આબાદ બચાવ થયો હતો બેટરીમાં સ્પાર્ક થતા આગ લાગી હોવાનું પ્રાથમિક અનુમાન લગાવવામાં આવી રહ્યું છે.આ ઘટનામાં કોઈ જાનહાની ન થતાં સૌ એ રાહતનો શ્વાસ લીધો હતો