ભરૂચ: તપોવન સંકુલ દ્વારા આયોજિત રાસ ગરબામાં ફાલ્ગુની પાઠકે ખેલૈયાઓને ઘેલું લગાડ્યું !

ભરૂચના તપોવન સંકુલ દ્વારા શરદપૂર્ણિમા નિમિત્તે રાસગરબાનું આયોજન કરવામાં આવ્યું હતું જેમાં ગરબા ક્વીન ફાલ્ગુની પાઠકે ખેલૈયાઓને ગરબે ગુમાવ્યા હતા.

ભરૂચના ઝાડેશ્વર વિસ્તારમાં તપોવન સંકુલ દ્વારા પ્રથમવાર નવરાત્રી મહોત્સવનું આયોજન કરવામાં આવ્યું હતું જે અંતર્ગત શરદપૂર્ણિમા નિમિત્તે રાસ ગરબાનું આયોજન કરવામાં આવ્યું હતું.આ રાસ ગરબા મહોત્સવમાં ગરબા ક્વીન તરીકે જાણીતા ફાલ્ગુની પાઠકે ખેલૈયાઓને ગરબે જુમાવ્યા હતા. ખેલૈયાઓએ પરંપરાગત પોશાકમાં મન મૂકીને ગરબે ઘૂમી માતાજીની આરાધના કરી હતી.આ પ્રસંગે અધિક કલેકટર એન.આર.ધાંધલ સહિતના અધિકારીઓ, તપોવન સંકુલના દિનેશ પંડ્યા, જાગૃતિ પંડ્યા તેમજ સભ્યો અને આમંત્રિતો મોટી સંખ્યામાં ઉપસ્થિત રહ્યા હતા