ભરૂચ: મનરેગા યોજનાને પૂર્વ MLA છોટુ વસાવાએ મરેગા યોજના ગણાવી, મંત્રી બચુ ખાબડના રાજીનામાની માંગ

દાહોદ મનરેગા કૌભાંડ મામલે કૃષિ અને પંચાયત રાજ્ય મંત્રી બચુ ખાબડના પુત્રની ધરપકડ કરવામાં આવી છે. દેવગઢ બારિયા તેમજ ધાનપુર તાલુકામાં મનરેગા યોજનામાં કરોડો રૂપિયાના કૌભાંડ થયું છે

author-image
By Connect Gujarat Desk in ભરૂચ સમાચાર
New Update

  • પૂર્વ ધારાસભ્ય છોટુ વસાવાના પ્રહાર

  • ભાજપ સરકાર પર પ્રહાર કરાયા

  • મનરેગા યોજનામાં ભ્રષ્ટાચારના આક્ષેપ

  • મંત્રી બચુ ખાબડના રાજીનામાની માંગ

  • યોજનાને મરેગા યોજના ગણાવી

પૂર્વ ધારાસભ્ય છોટુ વસાવાએ મનરેગા યોજનાને લઈ રાજ્ય સરકાર પર આકરા પ્રહારો કર્યા છે અને મંત્રી બચુ ખાબડના રાજીનામાની માંગ કરવામાં આવી છે. દાહોદ મનરેગા કૌભાંડ મામલે કૃષિ અને પંચાયત રાજ્ય મંત્રી બચુ ખાબડના પુત્રની ધરપકડ કરવામાં આવી છે. દેવગઢ બારિયા તેમજ ધાનપુર તાલુકામાં મનરેગા યોજનામાં કરોડો રૂપિયાના કૌભાંડ મામલે પોલીસે મંત્રી પુત્ર બળવંત ખાબડ સાથે તત્કાલીન ટીડીઓ દર્શન પટેલની પણ ધરપકડ કરી છે.
આ મામલે પૂર્વ ધારાસભ્ય અને આદિવાસીઓના દિગ્ગજ નેતા છોટુ વસાવાની પ્રતિક્રિયા સામે આવી છે. મનરેગા યોજના બાબતે તેઓએ ભાજપ સરકાર પર પ્રહારો કર્યા છે અને આ યોજના લોકો માટે મરેગા યોજના ગણાવી હતી તો સાથે જ ભરૂચ નર્મદા જિલ્લામાં પણ આ યોજના અંતર્ગત ભ્રષ્ટાચાર આચારાયો હોવાના આક્ષેપ છોટુ વસાવા દ્વારા કરવામાં આવ્યા છે. બચુ ખાબડ નર્મદા જિલ્લાના પ્રભારી મંત્રી હતા એ સમયે આખુ કૌભાંડ આચરાયુ હોવાના છોટુ વસાવાએ આક્ષેપ કરી મંત્રીના રાજીનામાની માંગ કરી છે.
#મનરેગા યોજના #MNREGA Yojana #MNREGA scheme #Bachu Khabad #Chhotubhai Vasava #MNREGA Yojana Kaubhand #દાહોદ મનરેગા કૌભાંડ #Dahod MNREGA case
Related Articles
Read the Next Article

અંકલેશ્વર: GIDC પોલીસે ભંગારના શંકાસ્પદ જથ્થા સહિત રૂ.2.34 લાખના મુદ્દામાલ સાથે એક આરોપીની કરી ધરપકડ

અંક્લેશ્વર જી.આઇ.ડી.સી. પોલીસ સ્ટેશનના પોલીસ ઇન્સપેક્ટર આર.એચ.વાળાના માર્ગદર્શન હેઠળ અંક્લેશ્વર જી.આઇ.ડી.સી.પોલીસ સ્ટેશનનો સ્ટાફ મિલ્કત સબંધી ગુનાઓ અટકાવવા પેટ્રોલિંગમા હતા.

author-image
By Connect Gujarat Desk in ભરૂચ Featured
New Update
GIDC પોલીસે

અંક્લેશ્વર જી.આઇ.ડી.સી. પોલીસ સ્ટેશનના પોલીસ ઇન્સપેક્ટર આર.એચ.વાળાના માર્ગદર્શન હેઠળ અંક્લેશ્વર જી.આઇ.ડી.સી.પોલીસ સ્ટેશનનો સ્ટાફ મિલ્કત સબંધી ગુનાઓ અટકાવવા પેટ્રોલિંગમા હતા.

તે દરમ્યાન બાતમીના આધારે અંકલેશ્વર જી.આઇ.ડી.સી કર્માતુર ચોકડી ખાતેથી એક થ્રી વ્હીલ ટેમ્પો નંબર GJ-16-Z-7513 મા શંકાસ્પદ એસ.એસ.ના પાઇપો તથા બોઇલર તથા ફલેન્ચના નાના મોટા ટુકડાઓ જેનુ વજન ૬૭૦ કિ.ગ્રા જેની કુલ કિ.રૂ.૧,૩૪,૦૦૦/- તથા અતુલ શકિત થ્રી વ્હીલ ટેમ્પો નંબર GJ-16-2-7513 કિ.રૂ.૧,૦૦,૦૦૦/-મળી કુલ કિ.રૂ.૨,૩૪,૦૦૦/- નો મુદ્દામાલ કબ્જે કરવામાં આવ્યો હતો. આ મામલામાં પોલીસે કુકાવન રેવતાવન  વન, રહે.રાજસ્થાનની ધરપકડ કરી તેની વિરુદ્ધ કાયદેસરની કાર્યવાહી હાથ ધરી છે.