• સેગવા-વરેડીયા ચોકડી NH-48 પર સર્જાયો હતો અકસ્માત

• ગાયોના ધણ પર મહાકાય ટ્રેલર ફરી વળતાં થયો અકસ્માત

• 7 ગાયના ઘટનાસ્થળે મોત નિપજ્યાં હતા, 7 ગાયને ઇજા

• સર્જાયેલ અકસ્માતના હૃદય દ્રાવક CCTV ફૂટેજ સામે આવ્યા

• પોલીસે ટેન્કર ચાલકની અટકાયત કરી વધુ તપાસ હાથ ધરી

ભરૂચ જિલ્લાના સેગવા-વરેડીયા ચોકડી પર નેશનલ હાઇવે નંબર 48 પર ગાયોના ધણ ઉપર મહાકાય ટ્રેલર ફરી વળતા 7 ગાયના ઘટનાસ્થળે મોત નિપજ્યાં હતા, જ્યારે 7 ગાયને ઇજા પહોચી હતી, ત્યારે હાલ તો ગાયના ધણને નડેલ અકસ્માતમાં હૃદય દ્રાવક CCTV ફૂટેજ બહાર આવ્યા છે.

મળતી માહિતી અનુસાર, વડોદરા તરફ જતી લેનમાં ગાયોનો ઘણ ભરૂચ તરફ આવી રહ્યું હતું. તે સમયે છેલ્લી લેનમાં ચાલતા એક ટ્રેલરના ચાલકે સ્ટિયરિંગ પરનો કાબુ ગુમાવી દેતાં બેકાબુ બનેલું ટ્રેલર ગાયો પર ફરી વળ્યું હતું. ટ્રેલરની ટકકર વાગતા 7 જેટલી ગાયના સ્થળ પર જ મોત થયાં હતા, જ્યારે 7 જેટલી ગાયોના પગ તૂટી ગયા હતા. બનાવના પગલે આસપાસના લોકો દોડી આવતાં ડ્રાઇવર ટ્રેલર મુકી ભાગી ગયો હતો. હાઇવે પર દર્દથી કણસતી ગાયોને જોઇ સૌના હ્રદય દ્રવી ગયા હતા.

તો બીજી તરફ, ઇજાગ્રસ્ત ગાયના ચાલી શકે તેવી સ્થિતિમાં ન હતી. તેમને વધુ સારવાર માટે વડોદરાના પાંજરાપોળ ખાતે ખસેડવામાં આવી હતી. આ સમગ્ર ઘટનાના હૃદય દ્રાવક CCTV ફૂટેજ બહાર આવ્યા છે. જેમાં ગાયના ઘણ પર કાળ કેવી રીતે ત્રાટકે છે, તે સ્પષ્ટ નજરે પડે છે, ત્યારે હાલ તો પોલીસે ટેન્કર ચાલકની અટકાયત કરી વધુ તપાસ હાથ ધરી છે.