ભરૂચ: આમોદના કેસલુ ગામે સસરાએ જમાઈને કુહાડીના ઘા મારી ગંભીર ઇજા પહોંચાડી, મજૂરીકામે જવા બાબતે થઈ હતી તકરાર

ભરૂચના આમોદ તાલુકાનાં કેસલુ ગામે રહેતા ચતુર  રાઠોડને ત્યાં તેમનાં જમાઈ ગણપત રાઠોડને  તેમનાં ગામમાં મજૂરી નહી મળતા તેમનાં  સસરાના સાથે કેસલું ગામે એક મહિનાથી રહેતાં હતાં

author-image
By Connect Gujarat Desk in ભરૂચ સમાચાર
New Update

  • ભરૂચના આમોદના કેસલુ ગામનો બનાવ

  • સસરાએ જમાઈ પર કુહાડીથી કર્યો હુમલો

  • જમાઈને માથાના ભાગે ગંભીર ઇજા

  • મજૂરી કામે જવા બાબતે થઈ હતી તકરાર

  • આમોદ પોલીસે હુમલાખોર સસરાની કરી ધરપકડ

ભરૂચ આમોદ તાલુકાના કેસલુ ગામે સસરાએ જમાઈ પર કુહાડીથી હુમલો કરતા જમાઈને ગંભીર ઇજા પહોંચતી હતી. આ મામલામાં આમોદ પોલીસે ગુનો નોંધી હુમલાખોર સસરાની ધરપકડ કરી કાયદેસરની કાર્યવાહી હાથ ધરી છે.
ભરૂચના આમોદ તાલુકાનાં કેસલુ ગામે રહેતા ચતુર  રાઠોડને ત્યાં તેમનાં જમાઈ ગણપત રાઠોડને  તેમનાં ગામમાં મજૂરી નહી મળતા તેમનાં  સસરાના સાથે કેસલું ગામે એક મહિનાથી રહેતાં હતાં અને પતિ પત્નિ મજૂરીએ જતાં હતાં ત્યારે  સસરા અને જમાઈ વચ્ચે સામાન્ય બોલાચાલી  થઇ હતી.મજૂરીએ જવા બાબતે સસરા જમાઈ વચ્ચે થયેલ તકરારે ઉગ્ર સ્વરૂપ ધારણ કર્યું હતું જેમાં ઉશ્કેરાય ગયેલા સસરાએ જમાઈ પર કુહાડીથી હુમલો કર્યો હતો. આ હુમલામાં જમાઈને માથાના ભાગે ગંભીર ઇજા પહોંચી હતી આથી તેઓને લોહી લુહાણ હાલતમાં સારવાર અર્થે ભરૂચ સિવિલ હોસ્પિટલ ખસેડાયા હતા.આ મામલામાં આમોદ પોલીસે હત્યાની કોશિશના ગુનામાં સસરા ચતુર રાઠોડની ધરપકડ કરી કાયદેસરની કાર્યવાહી હાથ ધરી છે.
#Amod #Murder News #CGNews #Murder Case #Gujarat #Bharuch #Accused arrested
Related Articles
Read the Next Article

ભરૂચ: લ્યો બોલો પોલીસ હેડક્વાર્ટરમાં જ પોલીસકર્મીઓ માણી રહ્યા હતા દારૂની મહેફિલ,ક્રાઇમ બ્રાન્ચે ઝડપી પાડ્યા !

ભરૂચ ક્રાઇમ બ્રાન્ચે પોલીસ હેડકવાટરના વર્કશોપમાં દારૂની મહેફિલ માણતા બે પોલીસકર્મીઓને અને ઝડપી પાડી તેઓ સામે બી ડિવિઝન પોલીસ મથકે પ્રોહીબિશન

author-image
By Connect Gujarat Desk in ભરૂચ Featured
New Update
gujarat hq
ભરૂચ ક્રાઇમ બ્રાન્ચે પોલીસ હેડકવાટરના વર્કશોપમાં દારૂની મહેફિલ માણતા બે પોલીસકર્મીઓને અને ઝડપી પાડી તેઓ સામે બી ડિવિઝન પોલીસ મથકે પ્રોહીબિશન અંગેનો ગુનો દાખલ કરાવતા પોલીસ બેડામાં ખળભળાટ મચી જવા પામ્યો છે.
ભરૂચ ક્રાઇમ બ્રાન્ચના પી.એસ.આઇ.ડી.એ તુવર તપાસમાં હતા તે દરમિયાન પોલીસ હેડ ક્વાર્ટર ખાતે આવેલ એમ.પી. વર્કશોપમાં ગયા હતા.વર્કશોપમાં જ 2 પોલીસકર્મીઓ ફરજ પર હોવા છતાં વર્કશોપનો મિકેનિક (ડ્રાઇવર) નરસિંહભાઈ ગૌમાનભાઈ પટેલ રહે. શક્તિનાથ નારાયણ નગર 4 તથા જિલ્લા ટ્રાફિક પોલીસમાં ડ્રાઇવર તરીકે ફરજ બજાવતા લાલાભાઇ પુનાભાઈ રાઠવા બન્ને વર્કશોપમાં જ દારૂની મહેફિલ માણતા રંગે હાથ ઝડપાઈ ગયા હતા.ક્રાઇમ બ્રાન્ચે બન્ને પોલીસકર્મીઓ સામે બી ડિવિઝન પોલીસ મથકે પ્રોહીબિશન અંગેનો ગુનો નોંધાવતા પોલીસે બન્ને સામે કાયદેસરની કાર્યવાહી હાથ ધરી છે.