ભરૂચ: નર્મદા પાર્કમાં ઇન્ટરનેશનલ હ્યુમન રાઈટ્સ પ્રોટેક્શન કાઉન્સિલ દ્વારા વૃક્ષારોપણ કરાયુ

ભરૂચમાં કાર્યરત ઇન્ટરનેશનલ હ્યુમન રાઇટ્સ પ્રોટેક્શન કાઉન્સિલ દ્વારા પણ સફાઈ અભિયાન સાથે વૃક્ષારોપણનું આયોજન કરવામાં આવ્યુ હતું 

ભરૂચના ઝાડેશ્વર નેશનલ હાઈવે 48 ઉપર આવેલ નર્મદા પાર્કમાં સ્વચ્છતા હી સેવા અંતર્ગત સફાઈ અભિયાન સાથે વૃક્ષારોપણનું આયોજન ભરૂચમાં કાર્યરત ઇન્ટરનેશનલ હ્યુમન રાઈટ પ્રોટેક્શન કાઉન્સિલ તથા લાયન્સ ક્લબ અને નર્મદા કોલેજની વિદ્યાર્થીઓ દ્વારા કરવામાં આવ્યું હતું.જેમાં નર્મદા પાર્કના નર્મદા નદીના કાંઠે જાહેરમાં પડેલો કચરો ઉઠાવી સફાઈ અભિયાન હાથ ધર્યું હતું. સાથે જ પર્યાવરણ બચાવોના સંદેશ સાથે નર્મદા પાર્કના નદીના કાંઠા પર વૃક્ષારોપણ કરવામાં આવ્યું હતું. સાથે જ નર્મદા પાર્કમાં લોકોને બેસવા માટે બે બાકડા પણ મૂકવામાં આવ્યા હતા.સદર કાર્યક્રમમાં નેશનલ હ્યુમન રાઈટસ પ્રોટેક્શન કાઉન્સિલના ડો. ટી.એમ ઓનકાર, હસમુખ દેલવાડીયા,હીનાબેન સહિત લાયન્સ ક્લબ તથા નર્મદા કોલેજની વિદ્યાર્થીનીઓ ખાસ ઉપસ્થિત રહી હતી