ભરૂચ: ઝઘડિયાના ઇન્દોર ગામના આગેવાનોએ ગ્રામપંચાયતની નિતીના વિરોધમાં કલેકટરને પાઠવ્યું આવેદનપત્ર

ભરૂચના ઝઘડિયા તાલુકામાં ઇન્દોર ગામના આગેવાનો દ્વારા ગ્રામપંચાયતની નીતિઓના વિરોધમાં કલેકટરને આવેદનપત્ર પાઠવી રજુઆત કરવામાં આવી હતી

ભરૂચના ઝઘડિયા તાલુકામાં ઇન્દોર ગામના આગેવાનો દ્વારા આજરોજ કલેકટરને આવેદનપત્ર પાઠવવામાં આવ્યું હતું જેમાં જણાવ્યા અનુસાર ૦૯/૦૫/૨૦૨૫ના રોજ ઇન્દોર ગ્રામ પંચાયતે એક સામાન્ય બેઠકને ગ્રામસભા તરીકે ખપાવી હતી.

આ બેઠકની જાણ ફક્ત સરપંચના અંગત લોકો  લોકોને તત્કાળ ધોરણે આપવામાં આવી, અને ગામના મોટાભાગના લોકોને અજાણ રાખવામાં આવ્યા હતા 

આ ગ્રામસભામાં ગૌચરની જમીન અંગે ખોટો ઠરાવ કરવામાં આવ્યો હોવાના આક્ષેપ કરવામાં આવ્યા છે.

સરપંચ, તલાટી અને સભ્યો દ્વારા જાહેર હિતનો ખોટો આડંબર કરી ઠરાવો લખવામાં આવ્યા છે

જેમાં ખાનગી એકમને ફાયદો પહોંચાડવા જમીનની ફાળવણી કરવામાં આવી હોવાના આક્ષેપ સાથે જવાબદારો સામે કડક કાર્યવાહીની માંગ કરાય છે.