ભરૂચ:નવરાત્રીના પર્વની ઉજવણી વચ્ચે મેઘરાજાની પધરામણી, ગરબા આયોજકોમાં દોડધામ

ભરૂચમાં નવરાત્રીના પર્વની ઉજવણી

રાત્રીના સમયે વિવિધ વિસ્તારોમાં વરસ્યો વરસાદ

ગરબા આયોજકોમાં દોડધામ

વરસતા વરસાદમાં ખેલૈયાઓ ગરબે ઘૂમ્યા

ગરબા ગ્રાઉન્ડ પર બેનરો ઉડયા

જગતજનની માં જગદંબાની ભક્તિ અને આરાધનાના પર્વ નવરાત્રીની હાલ ઉજવણી કરવામાં આવી રહી છે ત્યારે ગત રાત્રિના ભરૂચ શહેર તેમજ અનેક તાલુકાના વાતાવરણમાં પલટો આવ્યો હતો. ભારે ઉકળાટ અને બફારા વચ્ચે મેઘરાજાની પધરામણી થઈ હતી. પવન સાથે ઠેર ઠેર વરસાદ વરસતા ગરબા આયોજકોમાં દોડધામ મચી જવા પામી હતી. ભરૂચ, અંકલેશ્વર, ઝઘડિયા, નેત્રંગ, રાજપાડી,હાંસોટ અને જંબુસર સહિતના વિસ્તારોમાં વરસાદ વરસ્યો હતો. પવનના કારણે ગરબા ગ્રાઉન્ડમાં કેટલીક જગ્યાએ બેનરો પણ પડી ગયા હતા.તો જંબુસર સહિતના પંથકમાં લોકોએ વરસતા વરસાદમાં ગરબા રમવાની પણ મજા માણી હતી.હવામાન વિભાગ દ્વારા આગામી બે દિવસ સુધી રાજ્યના કેટલાક વિસ્તારોમાં વરસાદની આગાહી કરવામાં આવી છે. વરસાદ વરસતા વાતાવરણમાં ઠંડક પ્રક્રિયા હતી