ભરૂચ: નગર સેવા સદનની બુદ્ધિનું પ્રદર્શન, રોડ બનાવ્યાના થોડા જ કલાકોમાં પાણીની લાઇન માટે કર્યું ખોદકામ !

ભરૂચ શહેરમાં નગર સેવાદનની કામગીરી ફરી એકવાર ચર્ચાના ઘેરામાં આવી છે. કલેકટર કચેરી નજીક આવેલ માર્ગ પર રવિવારે તાજું ડામર પાથરવામાં આવ્યું હતું પરંતુ આશ્ચર્યજનક રીતે માત્ર થોડા જ કલાકોમાં તે જ માર્ગ પર પાણીની લાઈન નાખવા માટે ખોદકામ શરૂ કરી દેવાયું.

સ્થાનિકોમાં આ બનાવને લઈને નારાજગી જોવા મળી રહી છે. લોકોનો સવાલ છે કે જો પાણીની લાઈનનું કામ પહેલેથી જ પ્રસ્તાવિત હતું તો ડામર પાથર્યા પહેલાં ખોદકામનું કાર્ય પૂરું કેમ ન કરવામાં આવ્યું? હાલ તો નગર સેવા સદનની બુદ્ધિનું પ્રદર્શન ટોક ઓફ ધી ટાઉન બન્યું છે.