ભરૂચ: નગર સેવા સદન દ્વારા પ્રીમોન્સૂન કામગીરીનો પ્રારંભ, વરસાદી પાણીના નિકાલની 27 કાંસની સફાઈ શરૂ કરાઇ

ભરૂચ નગર સેવા સદન દ્વારા પ્રિમોન્સૂન કામગીરી શરૂ કરવામાં આવી છે જે અંતર્ગત શહેરમાં આવેલ વરસાદી પાણીના નિકાલની 27 કાંસની સાફ-સફાઈ નો પ્રારંભ કરવામાં આવ્યો છે

author-image
By Connect Gujarat Desk in ભરૂચ ગુજરાત
New Update

  • ભરૂચ નગર સેવા સદનની કામગીરી

  • પ્રી મોન્સૂન કામગીરીનો પ્રારંભ

  • વરસાદી પાણીના નિકાલની કાંસની સાફ સફાઈ

  • 27 કાંસની સાફ સફાઈ કરવામાં આવશે

  • કાંસ પર થયેલા દબાણો પણ દૂર કરવાની માંગ

Advertisment
ચોમાસામાં શહેરમાં પાણી ભરાવાની સમસ્યા ઊભી ન થાય તે હેતુથી ભરૂચ નગરપાલિકા દ્વારા નાની મોટી મળીને કુલ 27 કાંસની સફાઈની કામગીરી હાથ ધરવામાં આવી છે.નગરપાલિકા દ્વારા સમગ્ર શહેરમાં વ્યાપક સફાઈ અભિયાન શરૂ કરવામાં આવ્યું છે, જેથી વરસાદી પાણીના નિકાલમાં વિઘ્ન ન આવે અને નાગરિકોને અનુકૂળતા મળી રહે.શહેરના વિવિધ વિસ્તારોમાં  સફાઈ કાર્ય અંતર્ગત નદીઓ, નાળાઓ અને રોડસાઈડ કાંસમાંથી કાદવ, કચરો અને પ્લાસ્ટિક દૂર કરવામાં આવી રહ્યુ છે.પાલિકા દ્વારા દર વર્ષે કરોડો રૂપિયાના ખર્ચે આ કામગીરી કરવામાં આવે છે.
આ દરમ્યાન નાગરિકોમાં એવો પ્રશ્ન ઊઠી રહ્યો છે કે કાંસ પર થયેલા દબાણને લઈ કોઈ અસરકારક પગલાં કેમ લેવામાં આવતા નથી. કેટલાય વિસ્તારોમાં કાંસ પર દબાણના કારણે પાણી વહેવાનું અવરોધાય છે અને પરિણામે ચોમાસામાં પાણી ભરાવાની સમસ્યા ઊભી થાય છે ત્યારે આવા ગેરકાયદેસર દબાણો પણ દૂર કરવાની માંગ ઉભી થઇ છે.
#premonsoon #PreMonsoon Activity #પ્રીમોન્સૂન #bharuch nagarpalika #Bharuch News #Bharuch Samachar
Advertisment
Related Articles
Read the Next Article

ભરૂચ: સંભવિત વાવાઝોડાની પરિસ્થિતિને પહોંચી વળવા કલેકટર ગૌરાંગ મકવાણાની અધ્યક્ષતામાં બેઠક યોજાઇ

અરબી સમુદ્રમાં સર્જાયેલા લો પ્રેશરને કારણે તા.૨૨ મી મે ૨૦૨૫ થી ૨૮ મી મે ૨૦૨૫ સુધી ભરૂચ જિલ્લામાં પવન સાથે ભારે વરસાદની આગાહી હવામાન વિભાગ દ્વારા કરવામાં આવી છે

author-image
By Connect Gujarat Desk in ભરૂચ સમાચાર
New Update
bharuch Cyclone Meeting
અમદાવાદ IMD દ્વારા અરબી સમુદ્રમાં સર્જાયેલા લો પ્રેશરને કારણે તા.૨૨ મી મે ૨૦૨૫ થી ૨૮ મી મે ૨૦૨૫ સુધી ભરૂચ જિલ્લામાં પવન સાથે ભારે વરસાદની આગાહી હવામાન વિભાગ દ્વારા કરવામાં આવી છે ત્યારે ભારે પવન અને અતિભારે વરસાદની પૂર્વે તૈયારીઓના ભાગરૂપે ભરૂચ જિલ્લા કલેકટર ગૌરાંગ મકવાણાના અધ્યક્ષસ્થાને ભરૂચ કલેક્ટર કચેરી ખાતે સંભવિત ડીઝાસ્ટરની પરિસ્થિતિને પહોંચી વળવા અને તેના પૂર્વે કરવાની થતી કામગીરી અન્વયે જરૂરી વ્યવસ્થાની તૈયારીઓ અને આયોજન અંગે બેઠક યોજાઈ હતી.
Advertisment
આ બેઠકમાં લાઇઝન અધિકારી દ્વારા આપત્તિ વ્યવસ્થાપનની પૂર્વ તૈયારી અંતર્ગત કરવાની થતી કાર્યવાહી અંગે સુચના આપી હતી.આ બેઠકમાં જિલ્લા વિકાસ અધિકારી યોગેશ કાપસે, નિવાસી અધિક કલેકટર એન.આર.ધાધલ, , વિવિધ વિભાગોના અમલીકરણ અધિકારીઓ, જિલ્લાના પ્રાંત અધિકારીઓ, મામલતદાર અને તાલુકા વિકાસ અધિકારીઓ વર્ચ્યુલી જોડાયા હતા.
#Gaurang Makwana #Bharuch Collector #Bharuch News #વાવાઝોડાની આગાહી #Cyclone Forecast
Advertisment